દક્ષિણ આફ્રિકા સામે ભારતની શરમજનક હાર..ટેસ્ટ શ્રેણીમાં ટીમ ઈન્ડિયાને 2-0 થી હરાવ્યું

ભારતને પોતાનાજ ઘરે ફરી એક શરમજનક હારનો સામનો કરવો પડ્યો.દક્ષિણ આફ્રિકાએ બે મેચની ટેસ્ટ શ્રેણીમાં ટીમ ઈન્ડિયાને 2-0 થી હરાવ્યું છે. દક્ષિણ આફ્રિકાએ કોલકાતા ટેસ્ટ 30 રનથી અને હવે ગુવાહાટી ટેસ્ટ 408 રનથી જીતી લીધી છે..408 રનની હાર ટીમ ઈન્ડિયાની સૌથી મોટી ટેસ્ટ હાર છે. ભારત ઘરઆંગણે ટેસ્ટમાં અત્યાર સુધીના સૌથી નીચલા સ્તરે પહોંચી ગયું છે.વિશ્વ ટેસ્ટ ચેમ્પિયન દક્ષિણ આફ્રિકા નવો ઇતિહાસ રચી રહ્યો છે.તેણે 25 વર્ષ પછી ભારતમાં ટેસ્ટ શ્રેણી જીતી છે.દક્ષિણ આફ્રિકાએ છેલ્લે 2000 માં ભારતમાં ટેસ્ટ શ્રેણી જીતી હતી.

આ દક્ષિણ આફ્રિકાનો ટેસ્ટ શ્રેણીમાં ભારતનો બીજો ક્લીન સ્વીપ છે.પ્રોટીઝ સામે ભારતનો અપમાનજનક રેકોર્ડ ચાલુ છે. વર્ષ 2000 માં દક્ષિણ આફ્રિકાએ બે મેચની ટેસ્ટ શ્રેણીમાં ભારતને ક્લીન સ્વીપ કર્યો હતો.આનો અર્થ એ થયો કે દક્ષિણ આફ્રિકાએ ભારતમાં બે ટેસ્ટ શ્રેણી જીતી છે. બંનેમાં ક્લીન સ્વીપ કર્યો છે.પ્રોટીઝ ઘરઆંગણે ટેસ્ટ શ્રેણીમાં ભારતને બે વાર ક્લીન સ્વીપ કરનાર પ્રથમ ટીમ બની છે.એકંદરે ભારત ત્રણ વખત ઘરઆંગણે ક્લીન સ્વીપ થયું છે.ગયા વર્ષે દક્ષિણ આફ્રિકા ઉપરાંત ન્યુઝીલેન્ડે આ સિદ્ધિ મેળવી હતી.

ભારત અને દક્ષિણ આફ્રિકા વચ્ચે ટેસ્ટ ક્રિકેટ 1992-93 માં શરૂ થઇ હતી..બંને ટીમો વચ્ચે કુલ 17 દ્વિપક્ષીય ટેસ્ટ શ્રેણી રમાઈ છે.આમાંથી ભારતે ફક્ત ચાર શ્રેણી જીતી છે.જ્યારે દક્ષિણ આફ્રિકાએ નવ શ્રેણી જીતી છે.બાકીની ચાર શ્રેણી ડ્રો રહી છે.આ આંકડા દર્શાવે છે કે ટેસ્ટ ક્રિકેટમાં દક્ષિણ આફ્રિકાનો હાથ ઉપર છે.

ભારત હંમેશા વિદેશી ધરતી પર એટલે કે દક્ષિણ આફ્રિકાની ધરતી પર સંઘર્ષ કરતું રહ્યું છે.પરંતુ આ શ્રેણી પહેલા ટીમ ઈન્ડિયાએ દક્ષિણ આફ્રિકા સામે ઘરેલુ મેદાન પર શાનદાર પ્રદર્શન કર્યું હતું.ભારતે દક્ષિણ આફ્રિકા સામે ઘરઆંગણે ચારેય શ્રેણી જીતી હતી. હવે, ઘરઆંગણે ભારતનું વર્ચસ્વ પણ સમાપ્ત થતું દેખાય છે. ભારતીય ટીમે દક્ષિણ આફ્રિકા સામે ઘરઆંગણે કુલ આઠ ટેસ્ટ શ્રેણી રમી છે અને ચાર જીતી છે.આ શ્રેણીઓ સહિત દક્ષિણ આફ્રિકાએ બે જીતી અને બે ડ્રો રહી હતી. ભારતે દક્ષિણ આફ્રિકામાં નવ ટેસ્ટ શ્રેણી રમી છે.દક્ષિણ આફ્રિકાએ સાત જીત મેળવી હતી અને બે ડ્રો રહી હતી.

ભારતે દક્ષિણ આફ્રિકા સામે 1996, 2004, 2015 અને 2019માં ટેસ્ટ શ્રેણી જીતી હતી.ભારતે છેલ્લી વખત દક્ષિણ આફ્રિકાને ટેસ્ટ શ્રેણીમાં હરાવ્યું હતું તે છ વર્ષ પહેલાનું હતું.બીજી તરફ દક્ષિણ આફ્રિકાએ ભારતમાં ફક્ત બે વાર (2000 અને 2025) શ્રેણી જીતી છે.