પાકિસ્તાની મહિલા ટીમના નામે શરમજનક રેકોર્ડ: ભારતને પાછળ છોડી T20 વર્લ્ડ કપના ઇતિહાસમાં બની સૌથી વધુ ‘રન આઉટ’ થનારી ટીમ

એજબેસ્ટન: આઇસીસી (ICC) મહિલા ટી૨૦ વર્લ્ડ કપ ૨૦૨૬નો રોમાંચ ચરમસીમાએ છે. ૧૨ જૂનથી શરૂ થયેલી આ ટૂર્નામેન્ટમાં અત્યાર સુધી કુલ ૧૧ મેચો રમાઈ ચૂકી છે. ૧૭ જૂનના રોજ એજબેસ્ટન ખાતે દક્ષિણ આફ્રિકા અને પાકિસ્તાન વચ્ચે રમાયેલી રોમાંચક મેચમાં આફ્રિકાએ જીત મેળવી હતી. ૧૨૭ રનના ટાર્ગેટનો પીછો કરતા આફ્રિકાએ એક સમયે ૯૩ રનમાં પોતાની ૫ વિકેટ ગુમાવી દીધી હતી. પરંતુ અંતે તેઓ મેચ જીતવામાં સફળ રહ્યા હતા.

બીજી તરફ, આ મેચમાં કંગાળ બેટિંગ કરનારી પાકિસ્તાની મહિલા ટીમના નામે એક એવો શરમજનક રેકોર્ડ નોંધાયો છે. જે અત્યાર સુધી ભારતીય ટીમના નામે હતો.

## એક જ મેચમાં ૪ ખેલાડીઓ રન આઉટ: નબળું કોઓર્ડિનેશન નડ્યું

પાકિસ્તાની ક્રિકેટ ટીમ (પુરુષ હોય કે મહિલા) રનિંગ બિટવીન ધ વિકેટ્સ અને રન આઉટની બાબતમાં હંમેશા ટ્રોલ થતી રહી છે. દક્ષિણ આફ્રિકા સામેની મેચમાં પાકિસ્તાની બેટ્સમેનો વચ્ચે પરસ્પર તાલમેલનો ભારે અભાવ જોવા મળ્યો હતો. જેના કારણે એક-બે નહીં પરંતુ ૪ ખેલાડીઓ રન આઉટ થઈને પેવેલિયન ભેગા થયા હતા.

આ ખરાબ પ્રદર્શન સાથે જ પાકિસ્તાન મહિલા ટી૨૦ વર્લ્ડ કપના ઇતિહાસમાં સૌથી વધુ રન આઉટ થનારી ટીમ બની ગઈ છે. પાકિસ્તાનના અત્યાર સુધીમાં કુલ ૪૧ ખેલાડીઓ રન આઉટ થયા છે. જ્યારે ભારતીય ટીમ ૪૦ ખેલાડીઓ સાથે હવે બીજા ક્રમે આવી ગઈ છે.

## મહિલા T20 વર્લ્ડ કપ: સૌથી વધુ રન આઉટ થનારી ટોપ-૫ ટીમો

## સેમિફાઇનલની રેસમાંથી બહાર થવાનું જોખમ

મહિલા ટી૨૦ વર્લ્ડ કપ ૨૦૨૬માં પાકિસ્તાન ટીમની આ સતત બીજી હાર છે:

• પહેલી મેચ: ભારત સામે પાકિસ્તાનનો ૬૪ રને કારમો પરાજય થયો હતો.

• બીજી મેચ: દક્ષિણ આફ્રિકા સામે ૨ વિકેટે પરાજયનો સામનો કરવો પડ્યો.

હવે આગળ શું?

સતત બે હારના કારણે પાકિસ્તાન માટે ટૂર્નામેન્ટની સેમિફાઇનલમાં પહોંચવું હવે લોઢાના ચણા ચાવવા જેવું છે. હાલમાં ગ્રુપ-એમાં પાકિસ્તાની ટીમ પાંચમા (સૌથી છેલ્લા) સ્થાને છે અને તેનું ખાતું પણ ખુલ્યું નથી. તેમની આગામી મેચ ડિફેન્ડિંગ ચેમ્પિયન ઓસ્ટ્રેલિયા સામે છે, જે પાકિસ્તાન માટે બિલકુલ સરળ નહીં હોય.