ગુજરાત પર બેવડી સિસ્ટમનો ખતરો: આગામી 24 કલાક ભારે, અનેક જિલ્લાઓમાં ‘યલો એલર્ટ’ની ઘોષણા

ગુજરાતના વાતાવરણમાં એકાએક પલટો આવવાની શક્યતા છે. હવામાન વિભાગના જણાવ્યા અનુસાર, હાલમાં વેસ્ટર્ન ડિસ્ટર્બન્સ અને સાયક્લોનિક સર્ક્યુલેશન એમ બે શક્તિશાળી સિસ્ટમ એકસાથે સક્રિય થઈ છે.જેના કારણે 6 થી 12 એપ્રિલ દરમિયાન રાજ્યના અનેક વિસ્તારોમાં વીજળીના કડાકા-ભડાકા સાથે કમોસમી વરસાદ પડવાની સંભાવના છે.

સાવચેતીની સૂચના: પવનની ગતિ 40 કિમીએ પહોંચશે

હવામાન વિભાગે આગામી 24 કલાક માટે ખાસ તકેદારી રાખવા ચેતવણી આપી છે:

• ગાજવીજ સાથે વરસાદ: આ વરસાદ માત્ર હળવો નહીં, પરંતુ આંધિ-તોફાન અને વીજળીના કડાકા સાથે ત્રાટકશે.

• ધૂળની ડમરી: પવનની ગતિ 40 કિમી/કલાક સુધી પહોંચી શકે છે.જે વાહનચાલકો અને ખેડૂતો માટે જોખમી બની શકે છે.

• દરિયામાં કરંટ: માછીમારોને આગામી 2 દિવસ સુધી દરિયો ન ખેડવા કડક સૂચના આપવામાં આવી છે.

આ પણ વાંચો: અમદાવાદમાં ઢોસાનું ખીરું જીવલેણ બન્યું: 2 માસૂમ બાળકીઓના કરૂણ મોત, માતા-પિતા વેન્ટિલેટર પર

કયા જિલ્લાઓ છે પ્રભાવિત? (યલો એલર્ટ)

રાજ્યના મોટાભાગના વિસ્તારોમાં હળવાથી મધ્યમ વરસાદની આગાહી સાથે નીચે મુજબના જિલ્લાઓમાં એલર્ટ જાહેર કરાયું છે:

ગરમી અને તાપમાનની સ્થિતિ

વાદળછાયા માહોલ વચ્ચે પણ ગરમીનો પારો ઊંચો રહ્યો છે. આજે રાજ્યમાં સૌથી વધુ તાપમાન રાજકોટમાં 36.3 ડિગ્રી નોંધાયું છે. જ્યારે અમદાવાદમાં 35 ડિગ્રી અને ગાંધીનગરમાં 34.5 ડિગ્રી તાપમાન રહ્યું છે. આગામી દિવસોમાં વાદળછાયા આકાશને કારણે બફારો વધવાની પણ શક્યતા છે.

ખેડૂતો માટે સલાહ: કમોસમી વરસાદની આગાહીને જોતા તૈયાર પાકને સુરક્ષિત સ્થળે ખસેડવો અથવા તાડપત્રીથી ઢાંકી દેવા વિનંતી છે.