🤝 ‘વિકાસ ભી, વિરાસત ભી’: દેશ-વિદેશના પ્રવાસીઓ સામે ગુજરાતની આદિમ સંસ્કૃતિનો વૈભવ પ્રદર્શિત કરવા SoU અને GTRTS વચ્ચે થયા ઐતિહાસિક કરાર
ગાંધીનગર:
વિશ્વની સૌથી ઊંચી પ્રતિમા ‘સ્ટેચ્યુ ઓફ યુનિટી’ (એકતા નગર) હવે માત્ર સ્થાપત્યની દ્રષ્ટિએ જ નહીં, પણ ગુજરાતના ધબકતા સાંસ્કૃતિક વારસાના કેન્દ્ર તરીકે પણ વિશ્વફલક પર ચમકશે. મુખ્યમંત્રી શ્રી ભૂપેન્દ્ર પટેલના માર્ગદર્શન, આદિજાતિ વિકાસ મંત્રી શ્રી નરેશ પટેલ અને રાજ્ય મંત્રી શ્રી પી.સી. બરંડાના નેતૃત્વ હેઠળ ગુજરાત સરકારે રાજ્યની અણમોલ આદિવાસી સંસ્કૃતિને ગ્લોબલ સ્ટેજ આપવા માટે એક મોટો નિર્ણય કર્યો છે.
એકતા નગર ખાતે પ્રવાસીઓને આદિવાસી સંસ્કૃતિનો જીવંત અનુભવ કરાવવા માટે સ્ટેચ્યુ ઓફ યુનિટી (SoU) ઓથોરિટી અને ગુજરાત ટ્રાઇબલ રિસર્ચ એન્ડ ટ્રેનિંગ સોસાયટી (GTRTS) વચ્ચે એક ઐતિહાસિક સમજૂતી કરાર (MoU) કરવામાં આવ્યા છે.
💃 ૧૪ અદ્ભુત નૃત્યો: ગુજરાતના અલગ-અલગ જિલ્લાઓની કલાનો અનોખો સંગમ
આ કરાર અંતર્ગત હવેથી દર મહિનાના બે શનિવારે (દર પખવાડિયે) ગુજરાતના જુદા-જુદા જિલ્લાના આદિવાસી કલાકારો દ્વારા કુલ ૧૪ જેટલા પરંપરાગત અને ઐતિહાસિક લોકનૃત્યોની ધમાકેદાર પ્રસ્તુતિ કરવામાં આવશે.
🗺️ કયા જિલ્લાનું કયું નૃત્ય પ્રવાસીઓનું દિલ જીતશે?
ક્રમ |
જિલ્લો |
પ્રસ્તુત થનારા પરંપરાગત આદિવાસી નૃત્યો |
૧ |
છોટાઉદેપુર |
રાઠવા નૃત્ય, ગેર નૃત્ય, મેવાસી નૃત્ય |
૨ |
ડાંગ |
કહડિયા નૃત્ય, પાવરી નૃત્ય |
૩ |
નર્મદા |
લોક નૃત્ય, હોળી નૃત્ય |
૪ |
તાપી |
ગામિત ઢોલ નૃત્ય, ચૌધરી લોક નૃત્ય |
૫ |
મહિસાગર |
તલવાર નૃત્ય, ટીમલી નૃત્ય |
૬ |
નવસારી |
મંડળ નૃત્ય, તૂર નૃત્ય |
૭ |
વલસાડ |
કાહલી નૃત્ય |