વિશ્વના રાજકારણમાં અત્યારે સૌથી મોટો હલચલ મચાવનારો મુદ્દો એટલે ઈરાન અને અમેરિકા વચ્ચેનો યુદ્ધવિરામ. ૨ અઠવાડિયાના કામચલાઉ સીઝફાયર બાદ હવે કરારને કાયમી રૂપ આપવા માટે ઇસ્લામાબાદમાં શાંતિ વાર્તાનો દોર શરૂ થઈ રહ્યો છે. આ હાઈ-પ્રોફાઈલ બેઠકમાં સામેલ થનારા સંભવિત પ્રતિનિધિઓની યાદી સામે આવી છે, જે આ વાર્તાની ગંભીરતા દર્શાવે છે.
આ પણ વાંચો…
શાંતિના નામે પાકિસ્તાનનો દંભ? ઇઝરાયલે ખ્વાજા આસિફના ‘ઝેરીલા’ નિવેદન પર પાકિસ્તાનનો ઉધડો લીધો
શાંતિના નામે પાકિસ્તાનનો દંભ? ઇઝરાયલે ખ્વાજા આસિફના ‘ઝેરીલા’ નિવેદન પર પાકિસ્તાનનો ઉધડો લીધો
કોણ-કોણ થશે સામેલ? (સંભવિત પ્રતિનિધિઓની યાદી)
1. યજમાન પાકિસ્તાન (મધ્યસ્થી):
-
શહબાઝ શરીફ: વડાપ્રધાન
-
સૈયદ અસીમ મુનીર: આર્મી ચીફ (ફિલ્ડ માર્શલ)
-
ઈશાક ડાર: નાયબ વડાપ્રધાન અને વિદેશ મંત્રી
-
લેફ્ટનન્ટ જનરલ અસીમ મલિક: ISI ચીફ અને રાષ્ટ્રીય સુરક્ષા સલાહકાર
2. અમેરિકાનું પ્રતિનિધિમંડળ:
-
જેડી વેન્સ: અમેરિકાના ઉપરાષ્ટ્રપતિ
-
સ્ટીવ વિટકોફ: વ્હાઇટ હાઉસના વિશેષ દૂત
-
જેરેડ કુશનર: પૂર્વ વરિષ્ઠ સલાહકાર
-
એડમિરલ બ્રૈડ કૂપર: CENTCOM કમાન્ડર
3.ઈરાનનું પ્રતિનિધિમંડળ:
-
મોહમ્મદ બઘેર ગાલિબાફ: ઈરાની સંસદના અધ્યક્ષ
-
અબ્બાસ અરાઘચી: વિદેશ મંત્રી
-
માજિદ તખ્ત રવાંચી: નાયબ વિદેશ મંત્રી
લેબનાન મુદ્દે પેચ ફસાયો: ‘અમને પણ સામેલ કરો’
શાંતિ વાર્તા શરૂ થાય તે પહેલા જ લેબનાનના વડાપ્રધાન નવાફ સલામે પાકિસ્તાની પીએમ શહબાઝ શરીફને ફોન કરીને આ વાર્તામાં લેબનાનનો પણ સમાવેશ કરવાની આજીજી કરી છે. ઇઝરાયેલના હુમલામાં ૨૦૦થી વધુ નિર્દોષ લોકોના મોત બાદ લેબનાન હવે સુરક્ષા ઈચ્છે છે.
સર્જાયો મોટો વિવાદ: શું કરારમાં લેબનાન છે?
આ શાંતિ વાર્તા અત્યારે કાચના ટુકડા જેવી નાજુક છે, કારણ કે:
-
ઇઝરાયેલ-અમેરિકાનું વલણ: ઇઝરાયેલ અને અમેરિકાનું સ્પષ્ટ કહેવું છે કે આ યુદ્ધવિરામ માત્ર ઈરાન સાથે છે, લેબનાન સાથે નહીં. હિઝબુલ્લાહના ઠેકાણાઓ પર ઇઝરાયેલના હુમલા ચાલુ રહેશે.
-
ઈરાનની ચેતવણી: બીજી તરફ, ઈરાને કડક શબ્દોમાં કહ્યું છે કે લેબનાન આ કરારનો અભિન્ન હિસ્સો છે. જો લેબનાન પર હુમલા બંધ નહીં થાય, તો ઈરાન પણ આકરી જવાબી કાર્યવાહી કરશે.