ઈરાનના નવા સુપ્રીમ લીડર મોજતબા ખામેનેઈની ગર્જના: ‘અમેરિકા-ઈઝરાયેલને સજા આપ્યા વગર નહીં છોડીએ’

ગાંધીનગર એક્સપ્રેસના ગૌરવવંતા સ્પોન્સર: ક્રિશ્ના લેબોરેટરી – ચોક્કસ નિદાન, શ્રેષ્ઠ સમાધાન.”

વિશ્વના રાજકારણમાં ભારે ઉત્તેજના વચ્ચે ઈરાનના નવા સર્વોચ્ચ નેતા તરીકે પદભાર સંભાળતાની સાથે જ મોજતબા ખામેનેઈએ પશ્ચિમી દેશો અને ઈઝરાયેલ સામે યુદ્ધના શિંગડા ફૂંક્યા છે. ઈસ્લામાબાદમાં એકતરફ શાંતિ વાર્તા ચાલી રહી છે, ત્યારે બીજી તરફ મોજતબાએ સ્પષ્ટ કર્યું છે કે ઈરાન કોઈ પણ કિંમતે નમતું જોખશે નહીં અને પોતાના દુશ્મનોને પાઠ ભણાવીને જ જંપશે.

આ પણ વાંચો…

મોઢું સંભાળીને બોલો’, પાકિસ્તાની મંત્રીએ ઝેર ઓક્યું તો ઇઝરાયલે બરાબરનો ક્લાસ લીધો!

મોજતબા ખામેનેઈના સંબોધનના મુખ્ય અંશ:

• વળતર અને ન્યાયની માંગ: ખામેનેઈએ જાહેર કર્યું કે ઈરાન પર થયેલા હુમલાઓ માટે અમેરિકા અને ઈઝરાયેલ પાસેથી પૂરેપૂરું વળતર વસૂલવામાં આવશે. શહીદોના લોહીનું મૂલ્ય (Blood-money) અને ઘાયલ સૈનિકો માટે ક્ષતિપૂર્તિની માંગણી પર તેમણે ભાર મૂક્યો હતો.

• હોર્મુઝની સામુદ્રધુની (Strait of Hormuz) પર વર્ચસ્વ: વૈશ્વિક તેલ વ્યાપાર માટે અત્યંત મહત્વની એવી હોર્મુઝની સામુદ્રધુનીના સંચાલનને ઈરાન હવે નવા સ્તરે લઈ જશે, જે વૈશ્વિક અર્થતંત્ર માટે ચિંતાનો વિષય બની શકે છે.

• જાયન્ટ વિજયની જાહેરાત: તેમણે પશ્ચિમ એશિયાના સંઘર્ષમાં ઈરાની જનતા અને સશસ્ત્ર દળોને ‘નિર્ણાયક વિજેતા’ ગણાવ્યા હતા અને લશ્કરી સાહસના મુક્ત કંઠે વખાણ કર્યા હતા.

• ‘માનવ સંરક્ષણ સાંકળ’નું આહવાન: મોજતબાએ જનતાને રસ્તાઓ પર ઉતરી વિરોધ ચાલુ રાખવા જણાવ્યું છે. તેમણે કહ્યું કે, “ભલે મિલિટરી મોરચે શાંતિ હોય, પણ રસ્તાઓ પર તમારા અવાજો જ વાટાઘાટોનું પરિણામ નક્કી કરશે.”

યુદ્ધવિરામ કરાર પર જોખમના વાદળો

અમેરિકા અને ઈરાન વચ્ચે થયેલો કામચલાઉ યુદ્ધવિરામ અત્યારે અત્યંત નાજુક સ્થિતિમાં છે. આ વિવાદના મુખ્ય કારણો નીચે મુજબ છે:

૧. ઈરાનનો દાવો: તેહરાન માને છે કે યુદ્ધવિરામ સમગ્ર ક્ષેત્ર (લેબનાન સહિત) માટે છે. ૨. ઈઝરાયેલ-અમેરિકાનું વલણ: વોશિંગ્ટન અને તેલ અવીવનું કહેવું છે કે આ કરારમાં હિઝબુલ્લાહ સામેલ નથી. ઈઝરાયેલે દક્ષિણ લેબનાન પર હુમલા ચાલુ રાખતા ઈરાન ભભૂકી ઉઠ્યું છે. ૩. શાંતિ વાર્તામાં અવરોધ: ઈરાનની નવી નેતાગીરીના આક્રમક તેવરને જોતા ઇસ્લામાબાદમાં ચાલી રહેલી શાંતિ વાર્તા નિષ્ફળ જવાની ભીતિ સેવાઈ રહી છે.