બાંગ્લાદેશમાં વધુ એક હિન્દુ યુવાન પર ક્રૂરતાપૂર્વક હુમલો, ટોળાએ માર મારીને હત્યા કરી

બાંગ્લાદેશમાં ચાલી રહેલી અશાંતિ વચ્ચે વધુ એક મોટા સમાચાર સામે આવ્યા છે. બાંગ્લાદેશના રાજબારી જિલ્લાના પંગશા સબડિસ્ટ્રિક્ટમાં બુધવારે રાત્રે ટોળા દ્વારા વધુ એક હિન્દુ યુવાનને માર મારવામાં આવ્યો હતો. પોલીસના જણાવ્યા અનુસાર, યુવક પર ખંડણીનો આરોપ હતો. આ ઘટના રાત્રે 11 વાગ્યાની આસપાસ કાલીમોહર યુનિયનના હોસેનડાંગા ગામમાં બની હતી..ગામમાં ગભરાટ ફેલાયો હતો. પંગશા સર્કલના સહાયક પોલીસ અધિક્ષકે જણાવ્યું કે મૃતકની ઓળખ અમૃત મંડલ ઉર્ફે સમ્રાટ તરીકે થઈ છે.પોલીસ આ મામલાની તપાસ કરી રહી છે.આગળની કાર્યવાહી કરવામાં આવી રહી છે.

અહેવાલો અનુસાર, પોલીસે ઘટનાસ્થળે સમ્રાટના સાથી મોહમ્મદ સલીમની ધરપકડ કરી હતી. પોલીસે સલીમ પાસેથી બે હથિયારો પણ જપ્ત કર્યા હતા. પોલીસે જણાવ્યું હતું કે માહિતી મળતાં એક ટીમ ઘટનાસ્થળે પહોંચી હતી.. અને ગંભીર હાલતમાં રહેલા સમ્રાટને ટોળા પાસેથી બચાવ્યો હતો.

પોલીસે જણાવ્યું હતું કે સમ્રાટની બગડતી હાલતને કારણે, તેને તાત્કાલિક પંગશા ઉપજિલ્લા આરોગ્ય કેન્દ્રમાં લઈ જવામાં આવ્યો હતો..પરંતુ સારવાર દરમિયાન ડોકટરોએ તેને સવારે લગભગ 2 વાગ્યે મૃત જાહેર કર્યો હતો. પોલીસે ત્યારબાદ સલીમ પાસેથી એક પિસ્તોલ અને દેશી બનાવટની બંદૂક જપ્ત કરી અને તેને કસ્ટડીમાં લીધો.મૃતકના મૃતદેહને પોસ્ટમોર્ટમ માટે રાજબારી સદર હોસ્પિટલમાં મોકલવામાં આવ્યો છે.પોલીસ આ કેસની તપાસ કરી રહી છે અને આ ઘટનામાં સામેલ અન્ય લોકોની શોધ કરી રહી છે.

ઉલ્લેખનીય છે કે છેલ્લા કેટલાક દિવસોથી બાંગ્લાદેશમાં હિંસા સતત ચાલુ છે. ઢાકાથી ચટગાંવ સુધી ટોળાના વિરોધ અને સંબંધિત હિંસાના અહેવાલો સામે આવ્યા છે. 12 ડિસેમ્બરે ઇન્કલાબ મંચના વિદ્યાર્થી નેતા ઉસ્માન હાદીને ગોળી મારી દેવામાં આવી હતી.18 ડિસેમ્બરે સિંગાપોરમાં હાદીનું મૃત્યુ થયું હતું.અને ત્યારથી બાંગ્લાદેશમાં વાતાવરણ તંગ રહ્યું છે. થોડા સમય પછી, ચટગાંવમાં એક હિન્દુ વ્યક્તિની લિંચિંગથી દુનિયા ચોંકી ગઈ.

બાંગ્લાદેશના નવા રાજકીય પક્ષ, નેશનલ સિટીઝન્સ પાર્ટી (NCP) ના નેતા પર પણ હુમલો કરવામાં આવ્યો છે. સોમવારે, ખુલનામાં NCP નેતા મોહમ્મદ મુતાલિબ સિકદરને ગોળી મારી દેવામાં આવી હતી. હુમલામાં સિકદરને માથામાં ઈજા થઈ હતી. તેમને ગંભીર હાલતમાં હોસ્પિટલમાં દાખલ કરવામાં આવ્યા હોવાના અહેવાલ છે.