અમદાવાદમાં આજથી CWC અને કોંગ્રેસનું સંમેલન શરૂ, પ્રિયંકા ગાંધીને મળી શકે છે નવી જવાબદારી

અમદાવાદમાં સાબરમતી નદીના કિનારે આજથી કોંગ્રેસનું રાષ્ટ્રીય અધિવેશન શરૂ થઈ રહ્યું છે. કોંગ્રેસ કાર્યકારી સમિતિ આજે બે દિવસીય સત્રના પહેલા દિવસે મળશે. આ CWC બેઠકમાં, કોંગ્રેસના નેતાઓ પ્રિયંકા ગાંધી અંગે મોટા નિર્ણયની અપેક્ષા રાખી રહ્યા છે. કોંગ્રેસના સૂત્રોએ આ વાતની પુષ્ટિ કરી છે અને કહ્યું છે કે,, મહત્વપૂર્ણ ચૂંટણી ચક્ર પહેલા પ્રિયંકા ગાંધીને વધુ સક્રિય ભૂમિકામાં લાવવા અને તેમને મોટી જવાબદારી સોંપવાનો નિર્ણય લેવામાં આવી શકે છે.

કોંગ્રેસના અધિવેશનમાં હાજરી આપવા માટે અમદાવાદ પહોંચેલા શશી થરૂરે કહ્યું છે કે,, અમે દેશની વર્તમાન પરિસ્થિતિનો સામનો કરવા માટેની રણનીતિ પર ચર્ચા કરીશું. યુએસ રાષ્ટ્રપતિ ડોનાલ્ડ ટ્રમ્પ દ્વારા ટેરિફ લાદવા અંગે શશિ થરૂરે કહ્યું કે કોઈ પણ આ સમજી શકતું નથી. અમને આશા છે કે,, ભારત અમેરિકા સાથે દ્વિપક્ષીય વાટાઘાટો દ્વારા રાહત મેળવવામાં સફળ રહ્યું છે. તેમણે કહ્યું કે આપણે ફક્ત તે સહન કરવું પડશે.

અમદાવાદમાં બે દિવસીય કોંગ્રેસ કાર્યક્રમના પહેલા દિવસે CWC ની બેઠક યોજાશે. CWC ની બેઠક સવારે 11 વાગ્યે સરદાર સ્મારક શાહીબાગ ખાતે શરૂ થશે. કોંગ્રેસના નેતાઓ માટે સાંજે 5 વાગ્યે સાબરમતી આશ્રમની મુલાકાત લેવાનો કાર્યક્રમ છે. કોંગ્રેસના નેતાઓ સાબરમતી આશ્રમ ખાતે પ્રાર્થના સભામાં હાજરી આપશે. સાબરમતી નદીના કિનારે રિવરફ્રન્ટ ઇવેન્ટ સેન્ટર ખાતે સાંજે 7.45 વાગ્યાથી સાંસ્કૃતિક કાર્યક્રમો યોજાનાર છે.મલ્લિકા સારાભાઈ અને અન્ય લોક કલાકારો આમાં પરફોર્મ કરશે.

અમદાવાદમાં કોંગ્રેસની બેઠકના બીજા દિવસે આ સત્ર યોજાશે. રાષ્ટ્રીય સંમેલન 9 એપ્રિલના રોજ સવારે 9 વાગ્યે અમદાવાદમાં સાબરમતી નદીના કિનારે શરૂ થશે. કોંગ્રેસે આ સત્રને ન્યાયપથ નામ આપ્યું છે. કોંગ્રેસના વરિષ્ઠ નેતા પવન ખેરાએ આ અંગે કહ્યું છે કે.. કોંગ્રેસ પાર્ટી ન્યાયના માર્ગે ચાલશે.. અને લોકોનો ટેકો મેળવશે. જેમ કોંગ્રેસે સ્વતંત્રતા માટે સખત મહેનત કરી હતી.. તેવી જ રીતે પાર્ટી ગુજરાતમાં પણ સખત મહેનત કરશે.. અને સત્તામાં પાછી આવશે. ઉલ્લેખનીય છે કે,, 64 વર્ષ પછી ગુજરાતમાં પાર્ટીનું સંમેલન યોજાવા જઈ રહ્યું છે.