કંગના સાથેના વિવાદનો અંત લાવવા પર જાવેદ અખ્તરે કહ્યું- ‘તેણે માફી માંગી’

બોલીવુડના દિગ્ગજ લેખક અને ગીતકાર જાવેદ અખ્તર અને અભિનેત્રી કંગના રનૌત વચ્ચે વર્ષોથી ચાલી રહેલો કાનૂની કેસ હવે સમાપ્ત થઈ ગયો છે. અભિનેત્રી કંગના રનૌતે પોતે આ માહિતી આપી હતી.જાવેદ અખ્તરે પણ આ મામલે નિવેદન આપ્યું હતું. તેમણે કહ્યું કે, કંગનાએ માફી માંગી છે અને હું મારો કેસ પાછો ખેંચીશ અને તે પોતાનો કેસ પાછો ખેંચશે. કંગના અને જાવેદ અખ્તર વચ્ચેનો આ મામલો વર્ષ 2016 માં શરૂ થયો હતો.

કંગના સાથેનો કાનૂની કેસ સમાપ્ત થયા પછી જાવેદ અખ્તરે શું કહ્યું?

એક અહેવાલ મુજબ, કોર્ટમાંથી બહાર આવતા જાવેદ અખ્તરે કહ્યું કે,, અમે બંને અમારા કેસ પાછા ખેંચવા તૈયાર છીએ. તેમણે કહ્યું, “આટલા વર્ષો પછી મામલો ઉકેલાઈ ગયો છે. તેમણે મને થયેલી બધી અસુવિધા બદલ માફી માંગી. હું મારો કેસ પાછો ખેંચી લઈશ અને તે પોતાનો કેસ પાછો ખેંચી લેશે.

જ્યારે જાવેદ અખ્તરને પૂછવામાં આવ્યું કે શું કંગના સાથેનો કેસ પૂરો થયા પછી તેમને શાંતિ મળી? આના પર જાવેદ અખ્તરે કહ્યું, “હવે હું કોઈ નવી સમસ્યા ઉપાડીશ.”