ચંદ્રબાબુ નાયડુની તેલુગુ દેશમ પાર્ટી (ટીડીપી) એ આંધ્રપ્રદેશ વિધાનસભા ચૂંટણી અને લોકસભા ચૂંટણીમાં શાનદાર પ્રદર્શન કર્યું હતું. વિધાનસભા ચૂંટણીમાં NDA ગઠબંધને રાજ્યની 175 વિધાનસભા બેઠકોમાંથી 144 બેઠકો જીતી છે. આ 144માંથી 135 બેઠકો માત્ર TDP પાસે છે, જ્યારે 8 બેઠકો ભારતીય જનતા પાર્ટી (BJP) અને 21 બેઠકો જનસેના પાર્ટી પાસે છે. આ ત્રણેય પક્ષો NDAનો ભાગ છે. રાજ્યની સત્તાધારી YSR કોંગ્રેસ પાર્ટીને માત્ર 11 બેઠકો મળી છે.
આંધ્રપ્રદેશમાં NDAએ 25માંથી 21 બેઠકો જીતી છે. TDP 16 બેઠકો જીતીને રાજ્યની સૌથી મોટી પાર્ટી તરીકે ઉભરી આવી છે, જ્યારે જનસેનાને બે, ભાજપને ત્રણ અને YSRCPને માત્ર 4 બેઠકો મળી છે. આ શાનદાર જીત સાથે ટીડીપી એનડીએમાં બીજી સૌથી મોટી પાર્ટી બની ગઈ છે. ચંદ્રબાબુ નાયડુ 9 જૂને આંધ્રપ્રદેશના મુખ્યમંત્રી તરીકે શપથ લઈ શકે છે. 19 નવેમ્બર, 2021 ના રોજ, તેમણે રડતા રડતા શપથ લીધા કે જ્યાં સુધી તેઓ વિધાનસભાની ચૂંટણી નહીં જીતે ત્યાં સુધી તેઓ વિધાનસભામાં પ્રવેશ કરશે નહીં.
પ્રેસ કોન્ફરન્સ દરમિયાન ચંદ્રાબાબુ નાયડુ રડી પડ્યા હતા. પત્ની વિશે કરવામાં આવેલી ટિપ્પણીઓથી તેને દુઃખ થયું હતું. તેમણે કહ્યું કે તેમણે છેલ્લા અઢી વર્ષમાં તમામ અપમાન સહન કર્યા, પરંતુ શાસક પક્ષે તમામ હદ વટાવી દીધી. ચંદ્રાબાબુ નાયડુએ કહ્યું હતું કે કોઈપણ મહિલા વિશે ખરાબ બોલવાથી તેના ચારિત્ર્ય પર અસર થાય છે. તેમણે એમ પણ કહ્યું કે તેમની પત્નીએ ક્યારેય રાજનીતિમાં હસ્તક્ષેપ કર્યો નથી.
નાયડુએ કહ્યું હતું કે, ‘આજે વિધાનસભામાં જે કંઈ થયું તે મહાભારતમાં પાંડવોની હાજરીમાં કૌરવો દ્વારા દ્રૌપદીની છેડતી જેવું હતું.’ ચંદ્રબાબુ નાયડુ 1995 થી 2004 સુધી સંયુક્ત આંધ્ર પ્રદેશના મુખ્ય પ્રધાન હતા અને તેલંગાણાના અલગ થયા પછી, તેઓ બાકીના આંધ્ર પ્રદેશના પ્રથમ મુખ્યમંત્રી પણ બન્યા હતા, પરંતુ તેમને 2019 માં YSRCPના હાથે મોટી હારનો સામનો કરવો પડ્યો હતો.