18 C
Ahmedabad
Saturday, November 21, 2026

દેવઉઠી એકાદશી પર કરો આ ખાસ ઉપાય: લગ્નજીવનથી લઈને નોકરી અને આર્થિક સમૃદ્ધિ માટે સૂચવાઈ છે વિવિધ પૂજા-વિધિ


20 નવેમ્બર, 2026ના રોજ દેવઉઠી એકાદશીનું વ્રત રાખવામાં આવશે. દેવઉઠી એકાદશીને દેવોત્થાની એકાદશી અને પ્રબોધિની એકાદશી તરીકે પણ ઓળખવામાં આવે છે. હિંદુ ધર્મમાં આ એકાદશીનું વિશેષ મહત્ત્વ છે. આ દિવસે ભગવાન વિષ્ણુની પૂજા-અર્ચના કરવામાં આવે છે. ધાર્મિક માન્યતા મુજબ દેવઉઠી એકાદશી સાથે ચાતુર્માસનો અંત આવે છે અને લગ્ન સહિતના માંગલિક કાર્યો ફરી શરૂ થાય છે. અનેક સ્થળોએ આ દિવસે તુલસી વિવાહ કરાવવાની પણ પરંપરા છે, જેમાં તુલસી માતાના લગ્ન ભગવાન શાલિગ્રામ સાથે કરાવવામાં આવે છે.

ધાર્મિક માન્યતાઓ અનુસાર, દેવઉઠી એકાદશીના દિવસે તુલસીના છોડ પર લાલ ચુંદડી ચઢાવી ભગવાન વિષ્ણુને એકાક્ષી નારિયેળ અર્પણ કરવાથી સૌભાગ્ય જળવાઈ રહે છે. જીવનમાં સફળતા મેળવવા માટે ભગવાન વિષ્ણુ અને તુલસીની પૂજા કરીને મૂર્તિ તથા છોડ મંદિરને દાન કરવાની પણ માન્યતા છે. સુખ-શાંતિ માટે ઘઉંના લોટને શેકીને તેમાં ખાંડ, કેળાના ટુકડા અને તુલસીનાં પાન ઉમેરી પંજિરીનો પ્રસાદ બનાવી ભગવાનને ધરાવવાની વિધિ પણ સૂચવવામાં આવે છે.

નોકરી અને આવકમાં પ્રગતિ માટે ભગવાન વિષ્ણુને હળદરનું તિલક કરી તુલસીદળથી પૂજા કરવાની માન્યતા છે. લગ્નજીવનમાં તણાવ હોય તો પતિ-પત્ની બંનેએ દક્ષિણાવર્તી શંખમાં જળ ભરી ભગવાન વિષ્ણુને અર્પણ કરવું અને મંદિર કે બગીચામાં તુલસીનો છોડ વાવવાની પરંપરા જણાવવામાં આવે છે. જીવનમાં સકારાત્મકતા અને ઊર્જા જળવાઈ રહે તે માટે તુલસીના છોડ પાસે પીળું કપડું રાખી તુલસી માતાને સાકરનો ભોગ ધરાવવાની વિધિ પણ સૂચવવામાં આવી છે.

દીકરીના લગ્નમાં વિઘ્નો આવતાં હોય તો પાંચ તુલસીદળ પર હળદરનું તિલક કરી ભગવાન વિષ્ણુને અર્પણ કરવા, જ્યારે મનગમતો જીવનસાથી મેળવવા માટે ‘ૐ નમો ભગવતે નારાયણાય’ મંત્રનો જાપ કરતાં તુલસીના છોડમાં કેસર અને દૂધ મિશ્રિત જળ અર્પણ કરવાની માન્યતા છે. ભગવાન વિષ્ણુને પણ કેસરયુક્ત દૂધનો ભોગ ધરાવવામાં આવે છે.

આર્થિક સમૃદ્ધિ માટે તુલસી માતાને બટાશાનો ભોગ ધરાવી છોડ પાસે ઘીનો દીવો પ્રગટાવવો, ભગવાન વિષ્ણુની ધૂપ-દીપ અને પુષ્પથી પૂજા કરવી તથા પૂજા સમયે સિક્કા અને કોડી રાખીને બાદમાં તિજોરીમાં સાચવી રાખવાની વિધિ જણાવવામાં આવે છે. દાંપત્ય જીવનમાં મધુરતા માટે તુલસીના છોડને શણગારની વસ્તુઓ અર્પણ કરી પૂજા બાદ સુહાગણ મહિલાને ભેટ આપવાની માન્યતા છે. જીવનમાં સંકટો દૂર રહે અને સુખાકારી જળવાય તે માટે સાંજે તુલસીના છોડ નીચે ઘીનો દીવો પ્રગટાવી પ્રાર્થના કરવાની પરંપરા છે.

સંતાનના દાંપત્ય જીવનમાં સુખ જળવાય તે માટે દેવઉઠી એકાદશીના દિવસે ભગવાન વિષ્ણુ અને તુલસીની પૂજા કરી એલચીની જોડી અર્પણ કરવી અને પૂજા બાદ સંતાનને પ્રસાદરૂપે આપવાની વિધિ પણ જણાવવામાં આવે છે.

દેવઉઠી એકાદશી નિમિત્તે જણાવવામાં આવતા આ તમામ ઉપાયો ધાર્મિક પરંપરા અને માન્યતાઓ પર આધારિત છે.

Disclaimer :ગાંધીનગર એક્સપ્રેસ આ ધાર્મિક માન્યતાઓના દાવા કરતું નથી.


Related Articles

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
0FollowersFollow
0SubscribersSubscribe
- Advertisement -
- Advertisement -

વિડીયો

- Advertisement -