અમેરિકામાં રાષ્ટ્રપતિની ચૂંટણી માટે મતદાન 5 નવેમ્બર મંગળવારના રોજ થયું હતું. આ ચૂંટણીમાં મુખ્ય મુકાબલો રિપબ્લિકન પાર્ટીના ઉમેદવાર ડોનાલ્ડ ટ્રમ્પ અને ડેમોક્રેટિક પાર્ટીના ઉમેદવાર કમલા હેરિસ વચ્ચે છે. ઘણા રાજ્યોમાં મતદાન પૂર્ણ થયા બાદ જ મત ગણતરી શરૂ થઈ ગઈ છે અને પરિણામો પણ આવવા લાગ્યા છે.
યુએસ પ્રમુખપદની ચૂંટણીમાં ઘણા રાજ્યોમાં મત ગણતરી ચાલુ છે. આ દરમિયાન અમેરિકન મીડિયા ગ્રુપ ફોક્સ ન્યૂઝે જાહેરાત કરી છે કે ડોનાલ્ડ ટ્રમ્પ અમેરિકાના આગામી રાષ્ટ્રપતિ બનશે તે નક્કી થઈ ગયું છે. ચેનલે કહ્યું કે ટ્રમ્પની જીત નિશ્ચિત છે. તેમને 277 ઇલેક્ટોરલ કૉલેજ મત મળવાની અપેક્ષા છે, જે 270ના બહુમતી ચિહ્ન કરતાં વધુ છે. ઉલ્લેખનીય છે કે ડોનાલ્ડ ટ્રમ્પે હાલમાં 247 ઈલેક્ટોરલ કોલેજ વોટ મેળવ્યા છે અને તેમને જીતવા માટે 23 વોટની જરૂર પડશે. જ્યારે કમલા હેરિસને 214 ઈલેક્ટોરલ કોલેજ વોટ મળ્યા છે.