બિગ બોસ કન્નડ ફેમ અને અભિનેત્રી દિવ્યા સુરેશ ચર્ચામાં આવી ગઈ છે. સોશિયલ મીડિયા પર તેની એક પોસ્ટ ખૂબ વાયરલ થઈ રહી છે. અભિનેત્રીએ રવિવારે મોડી રાત્રે બેંગલુરુના રોડ પર પોતાની સાથે થયેલી કથિત સતામણીની એક ખૂબ જ ચોંકાવનારી ઘટનાનો ખુલાસો કર્યો છે. સોશિયલ મીડિયા પર પોતાનું દર્દ વ્યક્ત કરતા અભિનેત્રીએ આ કડવો અનુભવ શેર કર્યો અને શહેરમાં મહિલાઓની સુરક્ષા વ્યવસ્થા પર ગંભીર સવાલો ઉભા કર્યા. તેણે સ્પષ્ટપણે પૂછ્યું કે, જે સુરક્ષાનો વાદો અને દાવો કરવામાં આવે છે, તે આખરે ક્યાં છે?
૩૩ વર્ષીય દિવ્યા સુરેશે જણાવ્યું કે, આ ઘટના રાત્રે લગભગ ૧૧:૩૦ વાગ્યાની છે. જ્યારે તે પોતાની પિતરાઈ બહેન (કઝિન) સાથે કાર તરફ જઈ રહી હતી. આ દરમિયાન એક અજ્ઞાત વ્યક્તિએ તેનો પીછો કરવાનું શરૂ કરી દીધું અને અત્યંત અશ્લીલ હરકતો કરવા લાગ્યો. દિવ્યાના જણાવ્યા અનુસાર, તે વ્યક્તિ પીછો કરતા-કરતા જાહેરમાં પોતાને ખોટી રીતે સ્પર્શી રહ્યો હતો. જ્યારે તેણે આ હરકતનો વિરોધ કર્યો અને તેને ટોક્યો, ત્યારે પણ તે અટક્યો નહીં અને તેઓ કારમાં બેઠા ત્યાં સુધી સતત પીછો કરતો રહ્યો.
પોલીસને ટેગ કરીને પૂછ્યા આકરા સવાલો
આ સમગ્ર ઘટનાને દિવ્યાએ પોતાના કેમેરામાં પણ રેકોર્ડ કરી લીધી છે.જેના વીડિયોમાં તેની કઝિન તેને પોલીસને ફોન કરવાની સલાહ આપતી જોવા મળી રહી છે. પોતાના ઇન્સ્ટાગ્રામ પોસ્ટ પર બેંગલુરુ પોલીસને ટેગ કરતા અભિનેત્રીએ આકરો સવાલ પૂછ્યો કે,
“આખરે એ સુરક્ષા ક્યાં છે જેનો અમારી સાથે હંમેશા વાદો કરવામાં આવે છે?”