યુપી પોલીસ લજવાઈ: કંટ્રોલ રૂમમાં મુનસીને પરાણે કિસ કરતી દેખાઈ લેડી કોન્સ્ટેબલ, વિડીયો જોઈ સોશિયલ મીડિયા પર બવંડર!

ઉત્તર પ્રદેશના જાલોન જિલ્લાનું ઉરઈ પોલીસ સ્ટેશન આજકાલ ચર્ચાનું કેન્દ્ર બન્યું છે.પરંતુ કોઈ બહાદુરીના કામ માટે નહીં, પણ પોલીસ વિભાગની અંદર શિસ્તના ધજાગરા ઉડવાને કારણે. પોલીસ સ્ટેશન પરિસરમાં બનેલા પોલીસ કંટ્રોલ રૂમ (કમ્પ્યુટર રૂમ)નો એક વીડિયો ખૂબ ઝડપથી વાયરલ થઈ રહ્યો છે. જેમાં ડ્યુટી દરમિયાન પ્રેમનો ઈઝહાર અને વાંધાજનક હરકતો કેમેરામાં કેદ થઈ છે. મામલાની ગંભીરતાને જોતા જાલોનના પોલીસ અધિક્ષક (SP) વિનય કુમાર સિંહે કડક વલણ અપનાવ્યું છે.

માહિતી અનુસાર, મુનશી અરવિંદ પટેલ ઉરઈ પોલીસ સ્ટેશનના કંટ્રોલ રૂમમાં કમ્પ્યુટર પર પોતાની સત્તાવાર ડ્યુટી કરી રહ્યો હતો. આ દરમિયાન પોલીસ સ્ટેશનમાં જ અન્ડર ટ્રેનિંગ (Under Training) તરીકે તૈનાત એક મહિલા કોન્સ્ટેબલ (સિપાહી) કમ્પ્યુટર રૂમમાં પહોંચે છે. વીડિયોમાં સ્પષ્ટ જોઈ શકાય છે કે, મહિલા સિપાહી ડ્યુટીની મર્યાદા ભૂલીને મુનશી અરવિંદ પટેલ સાથે અશ્લીલ હરકતો અને શિસ્તહીન વર્તન કરવા લાગે છે.

મુનશી હાથ હટાવતો રહ્યો, પાછળ-પાછળ ભાગતી રહી મહિલા કોન્સ્ટેબલ

વાયરલ CCTV ફૂટેજમાં એક બીજો રસપ્રદ અને ચોંકાવનારો નજારો જોવા મળ્યો. જ્યારે મહિલા કોન્સ્ટેબલે અશ્લીલ હરકતો શરૂ કરી, ત્યારે મુનશી અરવિંદ પટેલ ભારે અસહજ થઈ ગયો. પોતાને બચાવવા માટે તે પોતાની ખુરશી છોડીને રૂમની બીજી બાજુ જઈને ઉભો રહી ગયો. પરંતુ પ્રેમનો ભૂત એવો સવાર હતો કે, મહિલા સિપાહી તેની પાછળ-પાછળ ત્યાં પણ પહોંચી ગઈ અને સતત પોતાના પ્રેમનો ઈઝહાર કરવા લાગી. વીડિયોમાં મુનશી ઘણી વખત મહિલા સિપાહીથી પોતાને અલગ કરતો અને બચતો સ્પષ્ટ દેખાઈ રહ્યો છે.

CCTV એ પોલ ખોલી, સોશિયલ મીડિયા પર હોબાળો

બંનેની ડ્યુટી જે સમયે કંટ્રોલ રૂમમાં હતી, તેમને કદાચ એ વાતનો અંદાજો નહોતો કે રૂમના ખૂણે-ખૂણા પર ત્રીજી આંખ એટલે કે CCTV કેમેરાની નજર છે. આ આખી શરમજનક ઘટના ત્યાં લાગેલા કેમેરામાં રેકોર્ડ થઈ ગઈ. આ પછી આ વીડિયો લીક થઈને સોશિયલ મીડિયા પર વાયરલ થઈ ગયો, જેના પછી યુપી પોલીસની કાર્યશૈલી અને શિસ્ત પર આકરા સવાલો ઉઠવા લાગ્યા.

એસપી વિનય કુમાર સિંહનું મોટું એક્શન, મુનશી સસ્પેન્ડ

જેવો આ વીડિયો પોલીસ વિભાગના ઉચ્ચ અધિકારીઓ સુધી પહોંચ્યો, જાલોન પોલીસ એક્શન મોડમાં આવી ગઈ. એસપી વિનય કુમાર સિંહે મામલાની તાત્કાલિક નોંધ લેતા પ્રાથમિક તપાસના આધારે મુનશી અરવિંદ પટેલને તાત્કાલિક અસરથી સસ્પેન્ડ કરી દીધો છે.

આ સાથે જ, પ્રેમનો ઈઝહાર કરનારી મહિલા કોન્સ્ટેબલ સામે પણ વિભાગીય સ્તરે તપાસ શરૂ કરી દેવામાં આવી છે. એસપીએ સ્પષ્ટ શબ્દોમાં જણાવ્યું છે કે, પોલીસ વિભાગમાં શિસ્ત સર્વોપરી છે. ડ્યુટી દરમિયાન આ પ્રકારની શિસ્તહીનતા કે અમર્યાદિત વર્તનને કોઈપણ કિંમતે સહન કરવામાં આવશે નહીં. વિગતવાર તપાસ અહેવાલ આવ્યા બાદ દોષિતો સામે વધુ કડક કાર્યવાહી કરવામાં આવશે.