વાહનચાલકો સાવધાન: 10 એપ્રિલથી હાઈવે પર બદલાઈ જશે ટોલના નિયમો, રોકડ વ્યવહાર થશે બંધ

નિદાન સાચું, તો ઈલાજ પાકો! આજે જ મુલાકાત લો ક્રિશ્ના લેબોરેટરીની.

                       લેટેસ્ટ મશીનરી

                       અનુભવી સ્ટાફ

                       વાજબી દર

નેશનલ હાઈવે અને એક્સપ્રેસવે પર મુસાફરી કરનારાઓ માટે મોટા સમાચાર સામે આવ્યા છે. કેન્દ્રીય માર્ગ પરિવહન અને રાજમાર્ગ મંત્રાલયે ટોલ ટેક્સ વસૂલાતની પ્રક્રિયામાં ધરખમ ફેરફારો કરવાની જાહેરાત કરી છે. આગામી 10 એપ્રિલથી અમલમાં આવનારા આ નવા નિયમોને કારણે હવે ટોલ પ્લાઝા પર રોકડ ચૂકવણી ભૂતકાળ બની જશે.

રોકડ પેમેન્ટ પર પૂર્ણવિરામ: શું છે નવો નિયમ?

નવા નિયમો મુજબ, દેશના કોઈપણ નેશનલ હાઈવે કે એક્સપ્રેસવે પર ટોલ ટેક્સ હવે રોકડમાં સ્વીકારવામાં આવશે નહીં. ટોલ પ્લાઝા પર વાહનોની લાંબી કતારો ઘટાડવા, સમય બચાવવા અને પ્રદૂષણ પર નિયંત્રણ મેળવવાના હેતુથી સરકાર દ્વારા આ કડક નિર્ણય લેવામાં આવ્યો છે.

FASTag વગર મુસાફરી કરવી મોંઘી પડશે

ડિજિટલ પેમેન્ટને પ્રોત્સાહન આપવા માટે સરકારે દંડની જોગવાઈ પણ કડક બનાવી છે:

• FASTag ફરજિયાત: હવે દરેક વાહન પર સક્રિય FASTag હોવું અનિવાર્ય છે. તમામ ટોલની રકમ ડિજિટલ માધ્યમથી જ કપાશે.

• UPI પેમેન્ટ પર વધારાનો બોજ: જો વાહનમાં FASTag નહીં હોય, તો વાહનચાલક UPI દ્વારા ચૂકવણી તો કરી શકશે, પરંતુ તેણે સામાન્ય દર કરતાં 25 ગણો વધુ ટેક્સ ભરવો પડશે.

• બમણો ચાર્જ: જો ટોલની બાકી રકમ અંગે ઈ-નોટિસ મળ્યાના ત્રણ દિવસમાં ચૂકવણી નહીં કરવામાં આવે, તો વાહન માલિકે બમણો શુલ્ક ચૂકવવો પડશે.

ઓળખપત્ર બતાવીને મળતી છૂટછાટ બંધ

અત્યાર સુધી ઘણા લોકો માત્ર ઓળખપત્ર કે આઈડી કાર્ડ બતાવીને ટોલમાંથી મુક્તિ મેળવતા હતા, જે હવે બંધ કરી દેવામાં આવશે. જે મુસાફરો નિયમ મુજબ ટોલ મુક્તિ માટે ખરેખર પાત્ર છે, તેમણે હવે ફરજિયાત ‘Exempted FASTag’ લેવો પડશે અથવા સત્તાવાર વાર્ષિક પાસ કઢાવવો પડશે.

ખાનગી વાહન માલિકો માટે વાર્ષિક પાસની ઓફર

નિયમિત મુસાફરી કરતા લોકોની સુવિધા માટે સરકારે વાર્ષિક પાસની યોજના પણ રજૂ કરી છે. ખાનગી કાર માલિકો ₹3,075 ભરીને વાર્ષિક પાસ મેળવી શકશે. આ પાસના આધારે એક વર્ષમાં 200 વખત ટોલ પ્લાઝા પસાર કરવાની સુવિધા મળશે.

ફ્રી ફ્લો ટેકનોલોજી: હવે ટોલ પર ઊભા રહેવાની જરૂર નહીં પડે

NHAI આગામી સમયમાં ‘મલ્ટી-લેન ફ્રી ફ્લો’ ટેકનોલોજી પર ધ્યાન કેન્દ્રિત કરી રહ્યું છે. આ સિસ્ટમ અમલમાં આવ્યા બાદ વાહનોએ ટોલ કટાવા માટે ધીમા પડવાની પણ જરૂર રહેશે નહીં. હાઈવે પર લાગેલા હાઈ-ટેક સેન્સર્સ દોડતી ગાડીએ જ ઓટોમેટિક ટોલ કાપી લેશે, જેનાથી મુસાફરી વધુ ઝડપી અને અવરોધ વગરની બનશે.