“અબકી બાર મોદી સરકાર” સૂત્ર આપનાર વ્યક્તિ પીયૂષ પાંડેનું 70 વર્ષની વયે નિધન

ભારતીય જાહેરાતના ચહેરા અને આત્માને બદલી નાખનાર ગતિશીલ વ્યક્તિ પીયૂષ પાંડેનું ગુરુવારે 70 વર્ષની વયે અવસાન થયું.ભારતીય જાહેરાત ઉદ્યોગ પાછળના અવાજ અને દિશા તરીકે જાણીતા તેમણે ઓગિલ્વી ઇન્ડિયામાં ચાર દાયકાથી વધુ સમય વિતાવ્યો. તેમના નિધનથી શોકની લાગણી ફેલાઈ ગઈ છે.

કોણ હતા પીયૂષ પાંડે ?

પીયૂષ પાંડેનો જન્મ 1955માં રાજસ્થાનના જયપુરમાં થયો હતો. તેઓ 1982માં ઓગિલ્વીમાં જોડાયા હતા. 27 વર્ષની ઉંમરે, તેમણે અંગ્રેજી પ્રભુત્વ ધરાવતી જાહેરાત દુનિયામાં પ્રવેશ કર્યો અને તેને કાયમ માટે બદલી નાખ્યું. તેમણે એશિયન પેઇન્ટ્સ (“હર ખુશી મેં રંગ લાયે”), કેડબરી (“કુછ ખાસ હૈ”), ફેવિકોલ અને હચ જેવી બ્રાન્ડ્સને અવાજ આપીને જાહેરાત દુનિયામાં એક અનોખું ઉદાહરણ સ્થાપિત કર્યું.તેમના અભિયાનો દ્વારા પીયૂષ પાંડેએ હિન્દી અને બોલચાલના ભારતીય શબ્દસમૂહોને મુખ્ય પ્રવાહની જાહેરાતમાં સામેલ કર્યા.તેમની ભાષા રમૂજી અને સંબંધિત હતી. એક ભૂતપૂર્વ સાથીદારે કહ્યું, “તેમણે માત્ર ભારતીય જાહેરાતોની ભાષા જ નહીં, પણ તેનું વ્યાકરણ પણ બદલ્યું.” 2016 માં, પિયુષ પાંડેને ભારત સરકાર દ્વારા પદ્મશ્રીથી નવાજવામાં આવ્યા હતા. 2024 માં તેમને LIA લિજેન્ડ એવોર્ડ પણ મળ્યો હતો.

“અબકી બાર મોદી સરકાર” સૂત્ર બનાવ્યું

પીયુષ પાંડેએ ભારતના સૌથી યાદગાર રાજકીય સૂત્રોમાંથી એક, “અબકી બાર, મોદી સરકાર” પણ બનાવ્યું. તેમણે “અચ્છે દિન આને વાલે હૈ” સૂત્ર પણ બનાવ્યું.આ સૂત્રો લોકોમાં ગુંજી ઉઠ્યા તેમની પ્રતિષ્ઠાને વધુ સમૃદ્ધ બનાવી.

પિયુષ પાંડેના પરિવાર પર એક નજર

પીયુષ પાંડેને સાત બહેનો અને બે ભાઈઓ હતા. આમાં ફિલ્મ દિગ્દર્શક પ્રસૂન પાંડે અને ગાયિકા-અભિનેત્રી ઇલા અરુણનો સમાવેશ થાય છે.આ ઉપરાંત પિયુષ પાંડેના પિતા એક બેંકમાં કામ કરતા હતા.