કેન્દ્ર સેક્સ એજયુકેશન અંગે નીતિ બનાવે, સુપ્રીમ કોર્ટે નોટિસ ફટકારી

સુપ્રીમ કોર્ટે કેન્દ્રને કિશોરો વચ્ચે સંમતિથી બનેલા સંબંધોને ગુનાહિત શ્રેણીમાંથી બહાર કાઢવા પર વિચાર કરવા કહ્યું છે.. જેથી તેમને કડક પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સિસ એક્ટ (POCSO) હેઠળ જેલમાં ન જવું પડે. કોર્ટે જાતીય અને પ્રજનન સ્વાસ્થ્ય શિક્ષણ અંગે નીતિ બનાવવાનું પણ સૂચન કર્યું.

ન્યાયાધીશ અભય એસ ઓકા અને ઉજ્જલ ભુયાનની બેન્ચે કેન્દ્રને નોટિસ જારી કરીને મહિલા અને બાળ વિકાસ મંત્રાલયને આ મુદ્દાનો અભ્યાસ કરવા અને 25 જુલાઈ સુધીમાં રિપોર્ટ રજૂ કરવા માટે એક નિષ્ણાત પેનલની રચના કરવા જણાવ્યું. કોર્ટે કહ્યું કે,, તે રિપોર્ટની સમીક્ષા કર્યા પછી જ વધુ સૂચનાઓ જારી કરશે.

શું છે મામલો ?

પશ્ચિમ બંગાળની એક મહિલાએ તેના પતિને બચાવવા માટે કાનૂની લડાઈ લડી હતી.. જેને 14 વર્ષની ઉંમરે તેની સાથે સંબંધ બાંધવા બદલ POCSO એક્ટ હેઠળ 20 વર્ષની જેલની સજા ફટકારવામાં આવી હતી.

કોર્ટે આ સંવેદનશીલ મુદ્દા પર મદદ કરવા માટે બે વરિષ્ઠ મહિલા વકીલો, માધવી દિવાન અને લિઝ મેથ્યુની નિમણૂક કરી હતી..તેમણે સૂચવ્યું હતું કે,, સંમતિથી સેક્સ કરનારા કિશોરોને પણ રક્ષણની જરૂર છે. તેમણે સૂચવ્યું કે,, જ્યારે POCSO કાયદો સગીરોને જાતીય શોષણથી બચાવવા માટે એક મહત્વપૂર્ણ હેતુ પૂરો પાડે છે.. ત્યારે કિશોર સંબંધોમાં તેનો કઠોર ઉપયોગ એવા પરિણામો તરફ દોરી શકે છે.. જે ફરિયાદી અને તેના આશ્રિતોના શ્રેષ્ઠ હિતમાં ન હોય.

વરિષ્ઠ વકીલના સૂચનો સ્વીકારીને, કોર્ટે કેન્દ્રને કેસમાં પક્ષકાર બનાવ્યું અને નોટિસ જારી કરી. વકીલે એ પણ ધ્યાન દોર્યું કે દિલ્હી અને મદ્રાસ સહિત અનેક ઉચ્ચ અદાલતોએ એક સૂક્ષ્મ અભિગમ અપનાવ્યો છે.. POCSO કાયદાના ઉદ્દેશ્યો અને કારણોના નિવેદનનું અર્થઘટન કર્યું છે.. જેનો અર્થ એ થાય કે,, તેનો હેતુ સંમતિથી બનેલા પ્રેમ સંબંધોને ગુનાહિત બનાવવાનો નથી.

ઘણા કેસોમાં, મદ્રાસ હાઈકોર્ટે કાનૂની અર્થઘટન અપનાવ્યું હતું કે સંમતિથી થયેલા કૃત્યો ‘પેનિટ્રેટિવ સેક્સ્યુઅલ અસોલ્ટ’ ના ગુના માટે ‘હુમલા’ ની જરૂરિયાતને પૂર્ણ કરતા નથી.

કોલકાતા હાઈકોર્ટે ઠરાવ્યું હતું કે POCSO એક્ટ ‘પ્રવેશ’ ને આરોપી દ્વારા એકપક્ષીય કૃત્ય તરીકે વ્યાખ્યાયિત કરે છે ..અને તેથી, સંમતિથી થયેલા સેક્સના કિસ્સાઓમાં, એકલા આરોપીને પ્રવેશ માટે જવાબદાર ઠેરવી શકાય નહીં. અન્ય ઘણી હાઈકોર્ટોએ પણ આવા કેસ ચલાવવાથી પીડિત પર થતી અસર પર વિચાર કર્યો છે.. જો કેસ ચલાવવાથી પીડિતને નુકસાન થશે.. તો કાર્યવાહી રદ કરવાનો આદેશ આપ્યો છે.