રાજસ્થાન: PM મોદીએ દેશનોક સહિત 103 રેલવે સ્ટેશનોની ભેટ આપી.. આ ટ્રેનને લીલી ઝંડી બતાવી

વડાપ્રધાન નરેન્દ્ર મોદીની રાજસ્થાનના બિકાનેરમાં ઓપરેશન સિંદૂર પહેલી મુલાકાત છે. આ દરમિયાન  તેમણે ‘અમૃત ભારત સ્ટેશન યોજના’ હેઠળ નવનિર્મિત દેશનોક રેલવે સ્ટેશનનું ઉદ્ઘાટન કર્યું હતુ.. પીએમ મોદીએ 18 રાજ્યો અને કેન્દ્રશાસિત પ્રદેશોના 86  જિલ્લાઓમાં બનેલા 103 અમૃત રેલ્વે સ્ટેશનોનું વર્ચ્યુઅલી ઉદ્ઘાટન પણ કર્યું હતુ..

રેલવેના વિકાસ માટે 10,૦૦૦ કરોડથી વધુ રકમ ઉપલબ્ધ થશે

પીએમ મોદીએ કહ્યું, “કેન્દ્ર સરકાર રેલવેના વિકાસ માટે 10,000 કરોડ રૂપિયાથી વધુ ખર્ચ કરશે. આ રકમ 2014 કરતા 15 ગણી વધારે છે. આનાથી રાજસ્થાનના વિકાસને વેગ મળશે.”

બિકાનેરને વિકાસનો લાભ મળશે

વડાપ્રધાન નરેન્દ્ર મોદીએ કહ્યું કે, “ડબલ એન્જિન સરકાર સતત કામ કરી રહી છે.. જેથી રાજસ્થાનના ગામડાઓ ઝડપથી પ્રગતિ કરી શકે અને યુવાનોને શહેરોમાં સારી તકો મળે. નવી ઔદ્યોગિક નીતિઓ લાગુ કરવામાં આવી છે.. જેનો ચોક્કસપણે બિકાનેરને ફાયદો થશે. જ્યારે આપણે બિકાનેર વિશે વાત કરીએ છીએ.. ત્યારે બિકાનેરી ભુજિયાનો સ્વાદ અને રસગુલ્લાની મીઠાશ સમગ્ર વિશ્વમાં પોતાની છાપ છોડી રહી છે… અને ભવિષ્યમાં તે વધુ વધશે.”

અમૃત સ્ટેશનો રોજગાર અને પર્યટનમાં વધારો કરશે

વડાપ્રધાન નરેન્દ્ર મોદીએ કહ્યું, “આ અમૃત સ્ટેશનોમાં દેશનો ઇતિહાસ દેખાશે. આના કારણે પર્યટન વધી રહ્યું છે..લોકોને રોજગાર પણ મળી રહ્યો છે. ગરીબ અને જરૂરિયાતમંદ લોકોને આ વિકાસ કાર્યોનો લાભ મળી રહ્યો છે. ખેડૂતોનો પાક બજારમાં સરળતાથી પહોંચી રહ્યો છે… નવા ઉદ્યોગો પણ બની રહ્યા છે.”

વડાપ્રધાન નરેન્દ્ર મોદીએ તેમના ભાષણની શરૂઆત “ભારત માતા કી જય” ના નારા સાથે કરી હતી. તેમણે કહ્યું, “હું કરણી માતાના આશીર્વાદથી અહીં આવ્યો છું. તેમના આશીર્વાદથી, વિકસિત ભારત બનાવવાનો આપણો સંકલ્પ વધુ મજબૂત બન્યો છે.”

રાજસ્થાનના મુખ્યમંત્રી ભજનલાલ શર્માએ પીએમ મોદીનું સ્વાગત કર્યું અને કહ્યું, “ઓપરેશન સંદુરની સફળતા બદલ હું તમને અભિનંદન આપું છું.” તેમણે ઓપરેશન સંદુરની સફળતા માટે દેશની સેના અને સૈનિકોને અભિનંદન પણ આપ્યા.મુખ્યમંત્રી ભજનલાલ શર્માએ પીએમ મોદીને ચરખો ભેટમાં આપ્યો હતો..

મોદીએ પ્રદર્શનની મુલાકાત લીધી

કરણી માતાના દર્શન કર્યા બાદ બિકાનેરની મુલાકાતે આવેલા પ્રધાનમંત્રી નરેન્દ્ર મોદીએ દેશનોકમાં યોદ્ધાઓ સંબંધિત પ્રદર્શનની મુલાકાત લીધી. આ દરમિયાન રાજસ્થાનના મુખ્યમંત્રી ભજન લાલ શર્મા અને અન્ય જનપ્રતિનિધિઓ તેમની સાથે હાજર હતા.