કેન્દ્ર સરકાર 3.1 કરોડ ટન ઘઉં ખરીદશે, ઘઉંનો લઘુત્તમ ટેકાનો ભાવ 2,425 રૂપિયા પ્રતિ ક્વિન્ટલ નક્કી કરવામાં આવ્યો

કેન્દ્ર સરકારે એપ્રિલથી શરૂ થતી રવિ માર્કેટિંગ સીઝન 2025-26 માટે 3.1 કરોડ ટન ઘઉં ખરીદવાનો લક્ષ્યાંક રાખ્યો છે. કૃષિ મંત્રાલયે પાક વર્ષ 2024-25 (જુલાઈ-જૂન)માં 115 મિલિયન ટન ઘઉંના રેકોર્ડ ઉત્પાદનનો લક્ષ્યાંક રાખ્યો છે. આમ છતાં ખરીદીનો લક્ષ્યાંક ઓછો છે.

એક સત્તાવાર નિવેદન અનુસાર, શુક્રવારે રાજ્યોના ખાદ્ય સચિવો સાથેની બેઠકમાં ઘઉં, ડાંગર અને બરછટ અનાજ જેવા રવિ પાકોની ખરીદીનો લક્ષ્યાંક નક્કી કરવામાં આવ્યો હતો. આ અંતર્ગત, સરકાર રવી માર્કેટિંગ સીઝન 2025-26માં 70 લાખ ટન ચોખા અને 16 લાખ ટન બરછટ અનાજ ખરીદશે. વર્ષ 2024-25ની સિઝનમાં સરકારી ઘઉંની ખરીદી 3 થી3 2 મિલિયન ટનના લક્ષ્યાંક સામે 26.6 મિલિયન ટન સુધી પહોંચી. જોકે, આ 2023-24માં ખરીદેલા 26.2 મિલિયન ટન કરતાં વધુ છે.

ઘઉંનો MSP 2,425 રૂપિયા પ્રતિ ક્વિન્ટલ નક્કી કરવામાં આવ્યો છે.

રવી માર્કેટિંગ સિઝન 2025-26 માટે ઘઉંનો લઘુત્તમ ટેકાના 2,425 રૂપિયા પ્રતિ ક્વિન્ટલ છે. ખેડૂતોને MSP મળે અને કલ્યાણકારી યોજનાઓની જરૂરિયાતો પૂરી થાય તે સુનિશ્ચિત કરવા માટે, ભારતીય ખાદ્ય નિગમ અને રાજ્ય એજન્સીઓ ઘઉં ખરીદે છે.

રાજ્યોને ઘઉં અને ચોખાની ખરીદી મહત્તમ કરવા માટે સક્રિય પગલાં લેવા કહેવામાં આવ્યું છે. બરછટ અનાજની ખરીદી પર પણ ધ્યાન આપવાનું કહેવામાં આવ્યું છે.