PM કિસાન નિધિની રાહ જોઈ રહેલા ખેડૂતો માટે ખૂબ જ સારા સમાચાર છે. યોજના હેઠળ ટૂંક સમયમાં ખેડૂત ભાઈઓના ખાતામાં નાણાં ટ્રાન્સફર કરવામાં આવશે. ત્રીજી વખત પીએમ બન્યા બાદ નરેન્દ્ર મોદીએ કિસાન સન્માન નિધિનો હપ્તો બહાર પાડવા માટેની ફાઇલ પર હસ્તાક્ષર કર્યા છે.અહેવાલો અનુસાર, આ યોજના હેઠળ મળેલા પૈસા જુલાઈના પહેલા અઠવાડિયામાં ખેડૂતોના ખાતામાં મોકલી શકાય છે. તમને જણાવી દઈએ કે પીએમ કિસાન નિધિનો 16મો હપ્તો મળ્યા બાદ હવે ખેડૂતો 17મા હપ્તાની રાહ જોઈ રહ્યા છે. જો કે, સરકારે હજુ સુધી 17મો હપ્તો રજૂ કરવાની કોઈ તારીખ જાહેર કરી નથી.
વડાપ્રધાન નરેન્દ્ર મોદીએ પ્રધાનમંત્રી કિસાન સન્માન નિધિનો 17મો હપ્તો બહાર પાડવા માટેની ફાઇલ પર હસ્તાક્ષર કર્યા છે. તેનાથી 9.3 કરોડ ખેડૂતોને ફાયદો થશે અને લગભગ 20 હજાર કરોડ રૂપિયાનું વિતરણ થશે. આ રકમ સીધી ખેડૂતોના બેંક ખાતામાં મોકલવામાં આવશે. આ યોજના દ્વારા ખેડૂતોને દર વર્ષે 6,000 રૂપિયાની આર્થિક સહાય આપવામાં આવે છે.
આવક વધારવામાં મદદરૂપ
ખેડૂતોને આર્થિક સહાય પૂરી પાડવા માટે, સરકાર પ્રધાનમંત્રી કિસાન સન્માન નિધિ યોજના હેઠળ 2000-2000 રૂપિયાના ત્રણ હપ્તામાં ખેડૂતોના બેંક ખાતામાં નાણાં મોકલે છે. આ યોજના ખેડૂતોને તેમની કૃષિ જરૂરિયાતો પૂરી કરવામાં મદદ કરે છે અને તેમની આવક વધારવામાં પણ મદદરૂપ થાય છે.
કેવી રીતે ઓનલાઇન અરજી કરવી
પીએમ કિસાન યોજના માટે, સત્તાવાર વેબસાઇટ પર જાઓ અને “નવી નોંધણી” પર ક્લિક કરો. નામ, સરનામું, આધાર નંબર, બેંક એકાઉન્ટ અને મોબાઈલ નંબર દાખલ કરો. પાસવર્ડ બનાવો અને સબમિટ બટન પર ક્લિક કરો.
ઑફલાઇન કેવી રીતે અરજી કરવી
ખેડૂતો તેમના વિસ્તારની કૃષિ કચેરીની મુલાકાત લઈને ઓફલાઈન અરજી કરી શકે છે. અરજી ફોર્મ ભરવાનું રહેશે અને આધાર કાર્ડ, પાન કાર્ડ, બેંક ખાતાની પાસબુક, ખેડૂતનો ફોટો જેવા દસ્તાવેજો સબમિટ કરવાના રહેશે.