તેહરાન તરફ કૂચ: 120 કલાકમાં 5000 બોમ્બનો વરસાદ, ઈરાનમાં સ્મશાન જેવી શાંતિ અને લોહીલુહાણ રણભૂમિ

મિડલ ઈસ્ટમાં અત્યારે જે દ્રશ્યો સર્જાઈ રહ્યા છે તે ઇતિહાસના સૌથી ભયાનક પ્રકરણોમાંના એક છે. ઈઝરાયેલ અને અમેરિકાની જોડીએ ઈરાનને નકશા પરથી ભૂંસી નાખવા જેવો મિજાજ અપનાવ્યો છે. છેલ્લા 5 દિવસમાં જે કંઈ પણ થયું છે તે નીચે મુજબના મુખ્ય બિંદુઓમાં વહેંચાયેલું છે..ઈઝરાયેલી ડિફેન્સ ફોર્સ (IDF) એ સત્તાવાર રીતે જાહેરાત કરી છે કે છેલ્લા 120 કલાકમાં ઈરાનની ધરતી પર 5000 થી વધુ ગાઈડેડ મિસાઈલ અને બોમ્બ ઝીંકાયા છે. આ હુમલાઓમાં અત્યાર સુધીમાં 1045 થી વધુ લોકોએ જીવ ગુમાવ્યા છે..મુખ્ય ફોકસ ઈરાનની રાજધાની તેહરાન પર કબજો જમાવવાનો છે.ઈઝરાયેલ તેહરાનને ઘેરીને ઈરાનનું મનોબળ તોડવા માંગે છે.આ યુદ્ધની સૌથી કાળી બાજુ દક્ષિણ ઈરાનના મીનાબ શહેરમાં જોવા મળી. એક ભયાનક એરસ્ટ્રાઈકમાં ગર્લ્સ સ્કૂલ નિશાન બની.જેમાં 160 થી વધુ માસૂમ વિદ્યાર્થીનીઓ અને સ્ટાફના મોત થયા છે. આ ઘટનાએ સમગ્ર વિશ્વમાં માનવતાવાદી ચિંતા જગાવી છે.

ઈરાનના પરમાણુ પ્લાન્ટ્સને નેસ્તનાબૂદ કરવા જેથી તે ભવિષ્યમાં ખતરો ન રહે.બેલિસ્ટિક મિસાઈલના તમામ લોન્ચિંગ પેડ્સને તોડી પાડવા.તેહરાન પર કબજો કરીને વર્તમાન સત્તાને હટાવવી.ઈરાને પણ વળતો પ્રહાર કરતા ઈઝરાયેલના શહેરો પર મિસાઈલો છોડી હતી, પરંતુ ઈઝરાયેલની અત્યાધુનિક એન્ટી-મિસાઈલ સિસ્ટમ સામે ઈરાનની મિસાઈલો હવામાં જ રાખ થઈ ગઈ હતી. ઈઝરાયેલમાં સાયરનો ગુંજી ઉઠી હતી અને નાગરિકોને બંકરોમાં મોકલી દેવાયા હતા. પરંતુ હજુ સુધી ત્યાં મોટી જાનહાનિના સમાચાર નથી.સમગ્ર ઈરાનમાં અત્યારે 130 થી વધુ શહેરો ખંડેર જેવી હાલતમાં છે. હોસ્પિટલો અને શાળાઓ પણ આ યુદ્ધની જ્વાળામાંથી બચી શકી નથી.