ઇરાનના સર્વોચ્ચ નેતા આયાતુલ્લા અલી ખામેનેઈનું મિસાઈલ હુમલામાં નિધન,40 દિવસનો રાષ્ટ્રીય શોક

ઈરાની મીડિયા અને સત્તાવાર સૂત્રોએ પુષ્ટિ કરી છે કે, શનિવારે વહેલી સવારે ઈઝરાયેલ અને અમેરિકાના સંયુક્ત સૈન્ય ઓપરેશનમાં ઈરાનના સુપ્રીમ લીડર આયાતુલ્લા અલી ખામેનેઈની હત્યા કરવામાં આવી છે.આ ઘટના બાદ સમગ્ર પશ્ચિમ એશિયામાં તણાવ તેની ચરમસીમાએ પહોંચ્યો છે અને ત્રીજા વિશ્વયુદ્ધના ભણકારા વાગી રહ્યા છે.

📌 ઓપરેશનની હૃદયદ્રાવક વિગતો

• નિવાસસ્થાન પર ટાર્ગેટ એટેક: ઈઝરાયેલી વાયુસેનાએ ખામેનેઈના અત્યંત સુરક્ષિત ગણાતા નિવાસસ્થાન અને તેમના સત્તાવાર દફતર પર એકસાથે અનેક પ્રચંડ મિસાઈલ હુમલા કર્યા હતા.

• પરિવારનો સફાયો: આ ઘાતક હુમલામાં ખામેનેઈની સાથે તેમના જમાઈ, પુત્રવધૂ અને પૌત્રીના પણ કરુણ મોત નિપજ્યા હોવાનું બહાર આવ્યું છે.

• શોકનું મોજું: ઈરાની સરકારે દેશમાં ૪૦ દિવસના રાષ્ટ્રીય શોક અને એક સપ્તાહની જાહેર રજાની જાહેરાત કરી છે.દેશભરમાં મસ્જિદો પર ‘કાળા ધ્વજ’ ફરકાવી દેવામાં આવ્યા છે.

IRGC નો હુંકાર: “બદલો લેવાશે, ઇતિહાસનો સૌથી મોટો પ્રહાર કરીશું”

ઈરાની રિવોલ્યુશનરી ગાર્ડ કોર્પ્સ (IRGC) એ આ ઘટનાને ‘જલ્લાદોનું પાપ’ ગણાવીને ભયંકર બદલો લેવાની પ્રતિજ્ઞા લીધી છે. IRGC ના સત્તાવાર નિવેદન મુજબ:

“દુશ્મનોએ લાલ રેખા ઓળંગી છે. ખામેનેઈની શહાદતનો બદલો એટલો ભીષણ હશે કે ઇતિહાસમાં આવો વળતો હુમલો ક્યારેય જોયો નહીં હોય. અમેરિકા અને ઈઝરાયેલ હવે પોતાના વિનાશ માટે તૈયાર રહે.”

🌍 લેટેસ્ટ અપડેટ: વિશ્વભરમાં હલચલ

• અમેરિકા હાઈ એલર્ટ પર: વ્હાઇટ હાઉસે પોતાના તમામ સૈન્ય મથકોને હાઈ એલર્ટ પર મૂક્યા છે. રાષ્ટ્રપતિ ટ્રમ્પ ‘વોર રૂમ’ માંથી સ્થિતિનું સતત નિરીક્ષણ કરી રહ્યા છે.

• યુદ્ધની અસર: આ હુમલાના સમાચાર બાદ આંતરરાષ્ટ્રીય બજારમાં ક્રૂડ ઓઈલના ભાવમાં મોટો ઉછાળો જોવા મળ્યો છે અને અનેક દેશોની એરલાઈન્સે પશ્ચિમ એશિયા પરથી ઉડાન ભરવાનું બંધ કરી દીધું છે.