ષડયંત્રના પત્તા વિખેરાયા: અરવિંદ કેજરીવાલ અને મનીષ સિસોદિયા તમામ આરોપોમાંથી નિર્દોષ મુક્ત.

દિલ્હીની રાઉઝ એવન્યુ કોર્ટે શુક્રવારે ભૂતપૂર્વ મુખ્યમંત્રી અને આમ આદમી પાર્ટી (AAP) કન્વીનર અરવિંદ કેજરીવાલ ભૂતપૂર્વ નાયબ મુખ્યમંત્રી મનીષ સિસોદિયાને એક્સાઇઝ પોલિસી સંબંધિત કથિત ભ્રષ્ટાચાર કેસમાં નિર્દોષ જાહેર કર્યા..જોકે મની લોન્ડરિંગ કેસમાં કેજરીવાલને હજુ સુધી કોઈ રાહત મળી નથી..કોર્ટે પોતાના નિર્ણયમાં જણાવ્યું કે,પ્રથમ દ્રષ્ટિએ કોઈ ગુનાહિત કાવતરું જોવા મળ્યું નથી. કોર્ટ CBI કેસની સુનાવણી કરી રહી હતી..CBIના એક સૂત્રના જણાવ્યા અનુસાર CBI આ નિર્ણયને પડકારવા માટે દિલ્હી હાઇકોર્ટનો સંપર્ક કરશે.

સ્પેશિયલ જજ જીતેન્દ્રસિંહે સેન્ટ્રલ બ્યુરો ઓફ ઇન્વેસ્ટિગેશન (CBI) અને તમામ આરોપીઓની વિગતવાર દલીલો સાંભળ્યા પછી આદેશ અનામત રાખ્યો હતો.સુનાવણી દરમિયાન CBIએ દાવો કર્યો હતો કે,પ્રથમ ચાર્જશીટ અને પૂરક ચાર્જશીટમાં કાવતરાના પૂરતા પુરાવા છે..જ્યારે ભૂતપૂર્વ મુખ્યમંત્રી અરવિંદ કેજરીવાલ અને ભૂતપૂર્વ નાયબ મુખ્યમંત્રી મનીષ સિસોદિયા સહિત 23 આરોપીઓ સામેના આરોપોને પાયાવિહોણા ગણાવ્યા હતા. સીબીઆઈનો આરોપ છે કે,દક્ષિણ લોબીએ દિલ્હી એક્સાઇઝ કેસને તેમના પક્ષમાં પ્રભાવિત કરવા માટે ₹100 કરોડની લાંચ આપી હતી.

અરવિંદ કેજરીવાલનું પ્રતિનિધિત્વ કરતા એક વરિષ્ઠ વકીલે દલીલ કરી હતી કે,, તેમની સામે કોઈ નક્કર પુરાવા નથી.તેમણે જણાવ્યું હતું કે,, કેજરીવાલ મુખ્યમંત્રી તરીકે તેમની સત્તાવાર ફરજો બજાવી રહ્યા હતા અને તેમને કોઈપણ લાંચ માંગવા અથવા સ્વીકારવા સાથે જોડતા કોઈ પુરાવા નથી.તેમણે એમ પણ કહ્યું હતું કે કેજરીવાલનું નામ પ્રથમ ચાર્જશીટ અને ત્રણ પૂરક ચાર્જશીટમાં સામેલ કરવામાં આવ્યું ન હતું..પરંતુ ચોથી પૂરક ચાર્જશીટમાં ઉમેરવામાં આવ્યું હતું. જે અગાઉના ચાર્જશીટનું પુનરાવર્તન છે..સાક્ષી રાઘવ મગુન્ટાના નિવેદનનો પણ ઉલ્લેખ કરવામાં આવ્યો હતો. બચાવ પક્ષે જણાવ્યું હતું કે,, કેજરીવાલે કોઈને પૈસા સ્વીકારવા કહ્યું હતું તે સાબિત કરવા માટે કોઈ સીધી કડી નથી.

દારૂ નીતિનો કેસ શું છે? કોવિડ-19 રોગચાળા દરમિયાન, દિલ્હી સરકારે દિલ્હી એક્સાઇઝ નીતિ 2021-22 લાગુ કરી.આ દારૂ નીતિના અમલીકરણમાં કથિત અનિયમિતતાની ફરિયાદો સામે આવી જેના કારણે લેફ્ટનન્ટ ગવર્નરને સીબીઆઈ તપાસની ભલામણ કરવા માટે પ્રેરિત કરવામાં આવ્યા.આનાથી દિલ્હી એક્સાઇઝ નીતિ 2021-22 તપાસ હેઠળ આવી.જોકે નવી દારૂ નીતિના ઘડતર અને અમલીકરણમાં અનિયમિતતાના આરોપો વચ્ચે તેને પાછળથી રદ કરવામાં આવી હતી.

ઓગસ્ટ 2022 માં, CBI એ આ કેસમાં 15 આરોપીઓ સામે નવી દારૂ નીતિમાં નિયમોના ઉલ્લંઘન અને પ્રક્રિયાગત અનિયમિતતાઓ માટે FIR નોંધી હતી. ત્યારબાદ ED એ CBI કેસના સંદર્ભમાં PMLA હેઠળ મની લોન્ડરિંગનો કેસ શરૂ કર્યો.

ED અને CBI દિલ્હી સરકારની નવી દારૂ નીતિમાં કથિત કૌભાંડમાં અલગ તપાસ કરી રહ્યા છે. ED નીતિના ઘડતર અને અમલીકરણમાં મની લોન્ડરિંગના આરોપોની તપાસ કરી રહ્યું છે.દરમિયાન, CBI તપાસ નીતિ નિર્માણમાં કથિત અનિયમિતતાઓ પર કેન્દ્રિત હતી.

આપના રાષ્ટ્રીય સંયોજક અને દિલ્હીના ભૂતપૂર્વ મુખ્યમંત્રી અરવિંદ કેજરીવાલે કહ્યું, “છેલ્લા કેટલાક વર્ષોથી ભાજપ દારૂ કૌભાંડ વિશે વાત કરી રહી છે અને અમારા પર આરોપ લગાવી રહી છે. પરંતુ આજે કોર્ટે બધા આરોપોને ફગાવી દીધા છે..બધા આરોપીઓને નિર્દોષ જાહેર કર્યા છે.અમને ન્યાયતંત્રમાં વિશ્વાસ છે.સત્યનો વિજય થયો છે.આપને નષ્ટ કરવા માટે બધા ટોચના નેતાઓને જેલમાં ધકેલી દેવામાં આવ્યા હતા..આ સંપૂર્ણપણે ખોટો કેસ હતો. કેજરીવાલ ભ્રષ્ટ નથી. મેં મારા જીવનમાં ફક્ત પ્રામાણિકતા કમાઈ છે. કોર્ટે કહ્યું છે કે કેજરીવાલ, મનીષ સિસોદિયા અને આપ કટ્ટર પ્રામાણિક છે.સારા કામ દ્વારા સત્તામાં આવવું અને પછી ખોટા કેસ દ્વારા અમને જેલમાં ધકેલી દેવા એ વડાપ્રધાનને શોભતું નથી.”