ઓસ્કાર વિજેતા અભિનેતા રોબર્ટ ડુવલનું 95 વર્ષની વયે અવસાન

ઓસ્કાર વિજેતા અને બહુમુખી પ્રતિભા ધરાવતા અભિનેતા રોબર્ટ ડુવલનું 95 વર્ષની વયે અવસાન થયું..તેમની પત્ની લુસિયાના ડુવલ દ્વારા ફેસબુક પર જાહેર કરાયેલા નિવેદન પ્રમાણે હોલીવુડના આ દિગ્ગજ કલાકારે રવિવારે વર્જિનિયાના મિડલબર્ગ સ્થિત તેમના ઘરે અંતિમ શ્વાસ લીધા હતા.

લુસિયાના ડુવલએ કહ્યું કે, “દુનિયા માટે તેઓ એકેડેમી એવોર્ડ વિજેતા અભિનેતા, દિગ્દર્શક અને વાર્તાકાર હતા..પરંતુ મારા માટે તેઓ બધું જ હતા.”તેણીએ ઉમેર્યું કે, ડુવલ દરેક ભૂમિકાને સંપૂર્ણ સમર્પણ અને માનવ લાગણીઓના સત્ય સાથે નિભાવે છે.

કઈ ફિલ્મથી કારકિર્દીની શરૂઆત કરી ?

રોબર્ટ ડુવલએ 1962 માં ફિલ્મ “ટુ કિલ અ મોકિંગબર્ડ” માં બૂ રેડલીની ભૂમિકાથી પોતાની ફિલ્મ કારકિર્દીની શરૂઆત કરી હતી…ત્યારબાદ તેમણે ઘણી યાદગાર ભૂમિકાઓ ભજવી હતી. તેમને સાત એકેડેમી એવોર્ડ માટે નામાંકિત કરવામાં આવ્યા હતા. 1983 ની ફિલ્મ “ટેન્ડર મર્સીઝ” માટે શ્રેષ્ઠ અભિનેતાનો ઓસ્કાર જીત્યો હતો..તેમણે ચાર ગોલ્ડન ગ્લોબ એવોર્ડ પણ જીત્યા.. જેમાં 1989ની મિનિસિરીઝ લોનસમ ડવમાં તેમની ભૂમિકાનો પણ સમાવેશ થાય છે.

ધ ગોડફાધર ફિલ્મે વધુ ઓળખ આપી

1972માં રિલીઝ થયેલી ધ ગોડફાધર ફિલ્મે તેમને હોલીવુડના સૌથી પ્રિય અભિનેતાઓમાંના એક તરીકે સ્થાપિત કર્યા. દિગ્દર્શક ફ્રાન્સિસ કોપોલાએ તેમને માફિયા ગાથામાં ટોમ હેગન તરીકે ભૂમિકા ભજવી હતી. જેમાં અલ પચિનો અને માર્લોન બ્રાન્ડો પણ હતા..ડુવાલે આ પાત્રને સૂક્ષ્મતા અને ઊંડાણ સાથે ભજવ્યું હતું.

હોલીવુડના મહાન કલાકારોમાં નામ

કોપોલાની ફિલ્મ એપોકેલિપ્સ નાઉમાં, તેમણે લેફ્ટનન્ટ કર્નલ બિલ કિલગોરનું શક્તિશાળી પાત્ર ભજવ્યું હતું..જેની પંક્તિ, “મને સવારે નેપલમની ગંધ ગમે છે,” સિનેમા ઇતિહાસમાં યાદગાર બની ગઈ. 2005માં, ડુવાલને નેશનલ મેડલ ઓફ આર્ટ્સ એનાયત કરવામાં આવ્યો હતો. લાંબી અને વૈવિધ્યસભર કારકિર્દી ધરાવતા ડુવાલને હોલીવુડના મહાન પાત્ર અભિનેતાઓમાંના એક ગણવામાં આવે છે.