મહારાષ્ટ્રના રાજકારણના ભીષ્મ પિતામહ અસ્વસ્થ: શરદ પવારને તાત્કાલિક હોસ્પિટલ ખસેડાયા, ચાહકોમાં ચિંતાનું મોજું.

મહારાષ્ટ્રના ભૂતપૂર્વ મુખ્યમંત્રી, NCP વડા અને દિગ્ગજ નેતા શરદ પવારની તબિયત અચાનક બગડી હતી..જેના કારણે તેમને બારામતીથી પુણેની રૂબી હોલ ક્લિનિક હોસ્પિટલમાં દાખલ કરવામાં આવ્યા છે.પવાર ખાંસી અને શ્વાસ લેવામાં તકલીફની ફરિયાદ કરી હતી…તેમના કાર્યાલયે પુષ્ટિ આપી.તેમની સ્થિતિની ગંભીરતા અંગે હજુ સુધી કોઈ સત્તાવાર વિગતો જાહેર કરવામાં આવી નથી.ડોકટરો તેમની સ્થિતિનું નજીકથી નિરીક્ષણ કરી રહ્યા છે.

શરદ પવાર મહારાષ્ટ્ર અને ભારતીય રાજકારણમાં સૌથી પ્રભાવશાળી અને અનુભવી નેતાઓમાંના એક છે.રાષ્ટ્રીય કોંગ્રેસથી અલગ થયા બાદ તેઓ 1999માં રાષ્ટ્રીય જનતા દળ (NCP)ના સ્થાપક હતા..પવાર લાંબા સમયથી મહારાષ્ટ્રના રાજકારણમાં સક્રિય છે.ઘણી વખત રાજ્યના મુખ્યમંત્રી તરીકે સેવા આપી ચૂક્યા છે.તેમના નેતૃત્વ હેઠળ NCPએ રાજ્યના રાજકારણમાં મજબૂત પકડ સ્થાપિત કરી છે.કોંગ્રેસ સહિત અન્ય પક્ષો સાથે ગઠબંધન સરકારોનો મુખ્ય ભાગ રહી છે.

NCP વડાના ભત્રીજા શ્રીનિવાસ પવારે જણાવ્યું કે,પવાર ગઈકાલે રાતથી સતત ખાંસી કરી રહ્યા હતા.છાતીમાં પણ ખેંચાણ અનુભવી રહ્યા હતા. ત્યારબાદ તેમને હોસ્પિટલમાં લાવવામાં આવ્યા હતા.પવાર સાથે તેમની પત્ની પ્રતિભા પવાર, પુત્રી સુપ્રિયા સુલે અને જમાઈ સદાનંદ સુલે પણ હતા.

વધુ મહત્ત્વની વાત એ છે કે શરદ પવાર પણ મૌખિક કેન્સરથી બચી ગયા છે. જેનું નિદાન 1990ના દાયકામાં થયું હતું.સારવાર માટે તેમણે ભારત અને યુનાઇટેડ સ્ટેટ્સમાં ઘણી સર્જરી કરાવી હતી.