ન્યાય મળ્યો પણ જિંદગી હારી ગઈ: 30 વર્ષનું કલંક ભૂંસાયું, પણ આઝાદીનો શ્વાસ લેવા કિસ્મતે મહોતલ ન આપી.

ગુજરાતમાંથી એક ચોંકાવનારો કિસ્સો સામે આવ્યો.જ્યાં એક પોલીસ કોન્સ્ટેબલે 20 રૂપિયાની લાંચ લેવાના કલંકને દૂર કરવા માટે લગભગ 30 વર્ષ સુધી કાનૂની લડાઈ લડી.તેની મહેનત રંગ લાવી અને હાઈકોર્ટે તેને આ કેસમાં માનનીય રીતે નિર્દોષ જાહેર કર્યા હતા..હકીકતમાં ભાગ્યએ તેમના માટે કંઈક બીજું જ રાખ્યું હતું.આ કલંક ભૂંસી નાખવાનો આનંદ અલ્પજીવી હતો..એક દિવસ પછી જ તે ઊંઘમાં મૃત્યુ,,આ સમગ્ર કેસની નોંધપાત્ર વાત એ હતી કે હાઈકોર્ટના 4 ફેબ્રુઆરીના ચુકાદાએ તેની નિર્દોષતા સાબિત કર્યા બાદ તેણે તેના વકીલને કહ્યું, “આ કલંક મારા જીવનમાંથી દૂર થઈ ગયો છે.જો ભગવાન મને લઈ જાય તો પણ મને કોઈ દુઃખ થશે નહીં.”

શું થયું 1996માં?

નોંધનીય છે કે, આ કેસ 20 નવેમ્બર, 1996 ના રોજ શરૂ થયો હતો. જ્યારે વેજલપુર પોલીસ સ્ટેશનમાં તૈનાત કોન્સ્ટેબલ બાબુભાઈ પ્રજાપતિ અને બે અન્ય કોન્સ્ટેબલો પર ટ્રક ડ્રાઈવરો પાસેથી 20-20 રૂપિયા લાંચ લેવાનો આરોપ મૂકવામાં આવ્યો હતો. આ આરોપો ભ્રષ્ટાચાર નિવારણ કાયદા હેઠળ દાખલ કરવામાં આવ્યો હતો.

1997 માં સેશન્સ કોર્ટમાં તેમની સામે ચાર્જશીટ દાખલ કરવામાં આવી હતી.2002 માં આરોપો ઘડવામાં આવ્યા હતા..2003 માં સાક્ષીઓની જુબાની શરૂ થઈ હતી. 2004 માં સેશન્સ કોર્ટે પ્રજાપતિને ચાર વર્ષની જેલ અને 3,000 રૂપિયા દંડની સજા ફટકારી હતી.

કરપ્શન વિરોધી બ્યુરો દ્વારા દાખલ કરાયેલા કેસ મુજબ તેઓ ટ્રક ડ્રાઈવરો પાસેથી તેમના વાહનોને ગેરકાયદેસર રીતે શહેરમાં પ્રવેશવા દેવાના બદલામાં 20-20 રૂપિયા લાંચ લેતા હતા. ત્યારબાદ, ACB એ સુનિયોજિત છટકું ગોઠવ્યું અને ત્રણેયની ધરપકડ કરી અને તેમની સામે કેસ દાખલ કર્યો. તે સમયે, પ્રજાપતિ લગભગ 34 વર્ષના હતા અને અમદાવાદમાં રહેતા હતા..પરંતુ બાદમાં પાટણ જિલ્લામાં રહેવા ગયો અને ત્યાંથી કાનૂની લડાઈ લડી રહ્યા હતા.

પ્રજાપતિ ઉપરાંત, આ કેસમાં બે અન્ય કોન્સ્ટેબલ, સેવાનકુમાર રાઠવા અને નસરુલ્લાહ ખાન પર પણ લાંચ લેવાનો આરોપ મૂકવામાં આવ્યો હતો.ત્યારબાદ ચાલી રહેલી કાનૂની લડાઈ આગામી 30 વર્ષ સુધી ચાલુ રહી. શરૂઆતમાં આ કેસ અમદાવાદની ટ્રાયલ કોર્ટમાં સાંભળવામાં આવ્યો હતો. જ્યાં 2004 માં, કોર્ટે ત્રણેયને દોષિત ઠેરવ્યા હતા અને તેમને ચાર વર્ષની જેલની સજા ફટકારી હતી.કોર્ટે ત્રણેયને 3,000 રૂપિયાનો દંડ પણ ફટકાર્યો હતો. જેના પરિણામે તેમની નોકરી ગુમાવવી પડી હતી.

પ્રજાપતિએ સેશન્સ કોર્ટના નિર્ણયને ગુજરાત હાઇકોર્ટમાં પડકાર્યો હતો. ત્યારબાદ, તેમની અપીલ 22 વર્ષ સુધી પેન્ડિંગ રહી હતી..જ્યાં સુધી આ વર્ષની 4 ફેબ્રુઆરીએ ચુકાદો નિર્દોષ જાહેર કરવામાં આવ્યો ન હતો.

કોર્ટે જણાવ્યું હતું કે સાક્ષીઓના નિવેદનોમાં ગંભીર વિરોધાભાસ હતા અને ફરિયાદ પક્ષ આરોપો સાબિત કરવામાં નિષ્ફળ ગયો હતો.પ્રજાપતિનું પ્રતિનિધિત્વ કરતા વકીલ નીતિન ગાંધીએ હાઇકોર્ટને જણાવ્યું હતું કે આખો કેસ શંકા પર આધારિત હતો.

હાઈકોર્ટના ચુકાદા પછી, પ્રજાપતિએ તેમના વકીલની ઓફિસમાં કહ્યું, “મારા જીવનમાંથી આ કલંક દૂર થઈ ગયું છે. ભલે ભગવાન મને લઈ જાય, કોઈ દુઃખ નહીં હોય.”ત્યારબાદ તેઓ ઘરે પાછા ફર્યા.બીજા દિવસે, તેમનું કુદરતી રીતે મૃત્યુ થયું.તેમના શુભેચ્છકોએ કહ્યું કે જો તેઓ થોડા વધુ જીવ્યા હોત, તો તેઓ તેમને જોઈને ખૂબ ખુશ થયા હોત.વકીલે કહ્યું, “ગઈકાલે જ્યારે તેઓ ઓફિસ આવ્યા હતા. ત્યારે તેઓ ખૂબ ખુશ હતા કારણ કે તેમને નિર્દોષ જાહેર કરવામાં આવ્યા હતા.”વકીલે કહ્યું, “મેં તેમને કહ્યું, ‘કાકા, તમારે બધા સરકારી લાભો માટે અરજી કરવી જોઈએ’…મેં બીજા દિવસે તેમને ફરીથી ફોન કર્યો અને કહેવામાં આવ્યું કે તેમનું હૃદયરોગના હુમલાથી મૃત્યુ થયું છે.”