વિરાટ કોહલી ફરી નંબર વન બેટ્સમેન બનશે..

ભારતીય ક્રિકેટ ટીમે 2026 માટે મજબૂત શરૂઆત કરી.ભારતે 11 જાન્યુઆરીએ વડોદરામાં ભારત અને ન્યૂઝીલેન્ડ વચ્ચેની પહેલી વનડે મેચ ચાર વિકેટથી જીતીને શ્રેણીમાં લીડ મેળવી..શ્રેણીની બીજી મેચ પહેલા એક મોટો અપસેટ થવાની ધારણા છે.ભૂતપૂર્વ ભારતીય કેપ્ટન વિરાટ કોહલી ફરી એકવાર ICC ODI રેન્કિંગમાં નંબર વન સ્થાન મેળવી શકે છે.. જ્યારે રોહિત શર્માને નોંધપાત્ર નુકસાન થવાની સંભાવના છે.

ICC એ છેલ્લે 6 ડિસેમ્બર, 2025 ના રોજ ICC રેન્કિંગ અપડેટ કર્યું હતું. ત્યારથી કોઈ ODI મેચ રમાઈ નથી.. તેથી ફેરફારની જરૂર નહોતી.પરંતુ હવે જ્યારે નવા વર્ષની પહેલી ODI રમાઈ છે.. ત્યારે રેન્કિંગ અને રેટિંગ બદલાશે..ICC એ પણ તેને જાહેર કરવું પડશે.જ્યારે રેન્કિંગ છેલ્લે અપડેટ કરવામાં આવ્યું હતું.. ત્યારે રોહિત શર્મા ODI માં નંબર વન સ્થાન પર હતા..તેમનું રેટિંગ 781 હતું.. જ્યારે વિરાટ કોહલી 773 રેટિંગ સાથે બીજા ક્રમે હતા.

જ્યારે 2026 ની પહેલી ODI માં ભારત અને ન્યુઝીલેન્ડ વચ્ચે મુકાબલો થયો ત્યારે રોહિત શર્માએ પોતાની વિસ્ફોટક શૈલીમાં 29 બોલમાં 26 રન બનાવ્યા. જેમાં ત્રણ ચોગ્ગા અને બે છગ્ગાનો સમાવેશ થતો હતો..તેને સારી શરૂઆત મળી પરંતુ તે તેને મોટી ઇનિંગમાં રૂપાંતરિત કરી શક્યો નહીં. જયારે વિરાટ કોહલી સદી ચૂકી ગયો. પરંતુ તેમ છતાં તેણે ઘણા રન બનાવ્યા.

ન્યુઝીલેન્ડ સામેની ODI શ્રેણીની પહેલી મેચમાં વિરાટ કોહલીએ 91 બોલમાં 93 રનની શાનદાર ઇનિંગ રમી, જેમાં સાત રનથી સદી ચૂકી ગયો. કોહલી આઠ ચોગ્ગા અને એક છગ્ગા ફટકારવામાં સફળ રહ્યો. પ્રથમ, જ્યારે રોહિત શર્માનો સ્ટ્રાઇક રેટ 89.66 હતો, ત્યારે વિરાટ કોહલીએ 102.20 ના સ્ટ્રાઇક રેટથી રન બનાવ્યા. કોહલીએ રોહિત કરતા નોંધપાત્ર રીતે વધુ રન પણ બનાવ્યા.

અગાઉના રેન્કિંગ પર નજર નાખતા જાણવા મળે છે કે રોહિત શર્મા અને વિરાટ કોહલી વચ્ચે ફક્ત આઠ રેટિંગ પોઈન્ટનો તફાવત હતો. આ વખતે રેન્કિંગ જાહેર થશે ત્યારે આ સ્થિતિ દૂર થઈ જશે.. અને વિરાટ કોહલી લગભગ 800 રેટિંગ મેળવી શકે છે. દરમિયાન, અગાઉના રેન્કિંગમાં ત્રીજા ક્રમે રહેલા ડેરિલ મિશેલ 766 પર હતા. 11 જાન્યુઆરીએ રમાયેલી મેચમાં ડેરિલ મિશેલે 71 બોલમાં 84 રન બનાવ્યા હતા. આનો અર્થ એ થયો કે જો બધું બરાબર રહ્યું.. તો ડેરિલ મિશેલ રેન્કિંગમાં બીજા સ્થાને પહોંચી શકે છે.. અને રોહિત શર્માને ત્રીજા સ્થાને જવાની ફરજ પડી શકે છે.

ભારત અને ન્યુઝીલેન્ડ વચ્ચે શ્રેણીની બીજી મેચ બુધવારે 14 જાન્યુઆરીએ રમાશે. આ મેચ તે જ દિવસે રમાશે જે દિવસે ICC રેન્કિંગ અપડેટ કરશે.બીજી મેચના રન આ રેન્કિંગમાં ગણવામાં આવશે નહીં. બુધવારે રેન્કિંગમાં શું ફેરફાર થાય છે અને બંને ખેલાડીઓ ફરીથી મેદાન પર ઉતરશે ત્યારે કેવું પ્રદર્શન કરે છે તે જોવું રહ્યુ..