ટ્રમ્પના નિશાને હવે મેક્સિકો..ડ્રગ હેરફેર નેટવર્કનો નાશ કરવા જમીની હુમલાઓ શરૂ કરશે.

વેનેઝુએલા સામેની કાર્યવાહી બાદ ડોનાલ્ડ ટ્રમ્પે હવે મેક્સિકો પર નિશાન સાધ્યુ છે. ટ્રમ્પે જણાવ્યું કે,તેમનો વહીવટ ટૂંક સમયમાં આ પ્રદેશમાં ડ્રગ હેરફેર નેટવર્કનો નાશ કરવા માટે જમીની હુમલાઓ શરૂ કરશે.એક મુલાકાતમાં યુએસ રાષ્ટ્રપતિએ કહ્યું, “મેક્સિકો પર ડ્રગ કાર્ટેલનું શાસન છે.તે જોઈને ખૂબ જ દુઃખ થાય છે.તેઓ દર વર્ષે યુનાઇટેડ સ્ટેટ્સમાં 2,50,000 થી 3,00,000 લોકોના મૃત્યુનું કારણ બની રહ્યા છે.”

ટ્રમ્પે કહ્યું, “અમે પાણી દ્વારા ડ્રગ હેરફેરના 97 ટકા નાબૂદ કર્યા..હવે અમે કાર્ટેલનો નાશ કરવા માટે જમીની હુમલાઓ શરૂ કરવા જઈ રહ્યા છીએ.” તેમણે યોજનાઓ વિશે વધુ કોઈ વિગતો આપી ન હતી.આ અઠવાડિયાની શરૂઆતમાં ટ્રમ્પે કહ્યું કે તેમણે ડ્રગ કાર્ટેલનો સામનો કરવા માટે મેક્સીકન રાષ્ટ્રપતિ ક્લાઉડિયા શેનબૌમ સાથે યુએસ લશ્કરી સહાયની શક્યતા અંગે ચર્ચા કરી હતી.અને ચેતવણી આપી હતી કે મેક્સિકોએ તેની પરિસ્થિતિમાં સુધારો કરવો જોઈએ..ગત વર્ષે ટ્રમ્પે એમ પણ કહ્યું કે,તેઓ ડ્રગ હેરફેર સામે લડવા માટે યુએસ લશ્કરી અને ગુપ્તચર અધિકારીઓને મેક્સિકો મોકલવાની તૈયારી કરી રહ્યા છે.

મેક્સીકન રાષ્ટ્રપતિ ક્લાઉડિયા શેનબૌમે ટ્રમ્પના નિવેદન પર કડક પ્રતિક્રિયા આપી હતી.વેનેઝુએલાના રાષ્ટ્રપતિની ધરપકડ બાદ તેમણે કહ્યું હતું કે મેક્સિકો અન્ય દેશોની આંતરિક બાબતોમાં દખલગીરીને સંપૂર્ણપણે નકારે છે..યુએસ કોઈ પણ પ્રદેશનો માલિક નથી.લેટિન અમેરિકાનો ઇતિહાસ સ્પષ્ટ અને આકર્ષક છે.. દખલગીરી ક્યારેય લોકશાહી,સમૃદ્ધિ અથવા કાયમી સ્થિરતા લાવી નથી.