સોનિયા ગાંધીને ફરીથી ગંગા રામ હોસ્પિટલમાં દાખલ કરાયા

કોંગ્રેસના વરિષ્ઠ નેતા સોનિયા ગાંધીને મંગળવારે દિલ્હીની સર ગંગા રામ હોસ્પિટલમાં દાખલ કરવામાં આવ્યા હતા.સૂત્રોના જણાવ્યા અનુસાર, તેમની તબિયત સ્થિર છે.તેઓ છાતીના નિષ્ણાતની દેખરેખ હેઠળ છે. આ નિયમિત દાખલ હોવાનું જણાવવામાં આવી રહ્યું છે..પરંતુ હોસ્પિટલના એક સૂત્રએ જણાવ્યું કે, સોનિયા ગાંધીને લાંબી ઉધરસ છે અને શહેરમાં પ્રદૂષણને કારણે તેઓ નિયમિતપણે ચેકઅપ માટે જાય છે.સોમવારે સાંજે તેમને હોસ્પિટલમાં દાખલ કરવામાં આવ્યા હતા.

હોસ્પિટલના સૂત્રોના જણાવ્યા અનુસાર, સોનિયા ગાંધીની તબિયત સારી છે. તેમને ખાસ કરીને છાતી સંબંધિત સમસ્યાઓ માટે તબીબી દેખરેખ હેઠળ રાખવામાં આવ્યા છે.તેમને પહેલાથી જ લાંબી ઉધરસ છે..જેના કારણે તેઓ નિયમિતપણે ચેકઅપ માટે હોસ્પિટલની મુલાકાત લે છે.ગાંધી ડિસેમ્બર 2025 માં 79 વર્ષના થયા હતા..