સ્વતંત્રતાનો સમય આવી ગયો છે,”માદુરોની ધરપકડ બાદ માચાડોએ કહ્યું..

વેનેઝુએલાના રાજકારણમાં ખળભળાટ મચી ગયો છે.રાષ્ટ્રપતિ નિકોલસ માદુરો અને તેમની પત્ની સિલિયા ફ્લોરેસની યુએસ દ્વારા અટકાયત બાદ દેશના અગ્રણી વિપક્ષી નેતા અને નોબેલ શાંતિ પુરસ્કાર વિજેતા,મારિયા કોરિના માચાડોએ તેને વેનેઝુએલા માટે સ્વતંત્રતાની ક્ષણ ગણાવી છે. સોશિયલ મીડિયા પ્લેટફોર્મ X પર જાહેર કરાયેલા એક નિવેદનમાં, માચાડોએ કહ્યું, “વેનેઝુએલાના લોકો, સ્વતંત્રતાનો સમય આવી ગયો છે. ન્યાય હવે શાસન કરશે. આંતરરાષ્ટ્રીય ન્યાય હવે એવા ગુનાઓ પર લાગુ થશે જેને વર્ષોથી અવગણવામાં આવ્યા છે.”

“લોકોની શક્તિ અને રાષ્ટ્રીય સાર્વભૌમત્વ સ્થાપિત થશે.”

માચાડોએ જણાવ્યું કે, અમેરિકાએ કાયદા હેઠળ કાર્યવાહી કરી કારણ કે માદુરોએ કોઈપણ શાંતિપૂર્ણ ઉકેલ સ્વીકારવાનો ઇનકાર કર્યો હતો.તેણીએ ખાતરી આપી કે,દેશમાં રાજકીય કેદીઓને હવે મુક્ત કરવામાં આવશે..સિસ્ટમમાં સુધારો કરવામાં આવશે અને વિદેશમાં રહેતા વેનેઝુએલાના લોકોને પાછા લાવવામાં આવશે.તેણીએ એમ પણ કહ્યું કે લોકશાહી માટે વર્ષોથી ચાલી રહેલ સંઘર્ષ હવે નિર્ણાયક વળાંક પર પહોંચી ગયો છે.માચાડોએ દાવો કર્યો કે,એડમુન્ડો ગોન્ઝાલેઝ ઉરુટિયા કાયદેસરના રાષ્ટ્રપતિ તરીકે ચૂંટાયા છે અને તેમણે તાત્કાલિક બંધારણીય જવાબદારી સંભાળવી જોઈએ.તેમણે લશ્કર અને સુરક્ષા દળોને નવા નેતૃત્વને માન્યતા આપવા પણ અપીલ કરી.

દેશ અને વિદેશમાં નાગરિકોને અપીલ

વિપક્ષી નેતાએ વેનેઝુએલાની અંદરના નાગરિકોને સતર્ક રહેવા અને સત્તાવાર સૂચનાઓ માટે તૈયાર રહેવા વિનંતી કરી.તેમણે વિદેશમાં રહેલા વેનેઝુએલાના લોકોને આંતરરાષ્ટ્રીય સમર્થન એકત્રિત કરવા પણ અપીલ કરી.તેમણે કહ્યું, “આ નિર્ણાયક સમય છે. એકતા અને સતર્કતા આપણી સૌથી મોટી તાકાત છે.વેનેઝુએલા ચોક્કસપણે મુક્ત થશે.”