સ્મૃતિ મંધાનાએ રચ્યો નવો ઈતિહાસ..મહિલા T20માં 4000 રન બનાવનાર પ્રથમ ભારતીય બેટ્સમેન બની.

ભારતીય સ્ટાર ઓપનિંગ બેટ્સમેન સ્મૃતિ મંધાનાએ મહિલા T20 આંતરરાષ્ટ્રીય ક્રિકેટમાં 4000 રન બનાવનાર પ્રથમ ભારતીય બનીને ઈતિહાસ રચ્યો છે.રવિવારે ACA-VDCA ક્રિકેટ સ્ટેડિયમ ખાતે શ્રીલંકા મહિલા ટીમ સામેની પ્રથમ T20 આંતરરાષ્ટ્રીય મેચ દરમિયાન ડાબા હાથના બેટ્સમેને આ ઐતિહાસિક સિદ્ધિ હાંસલ કરી હતી.પાંચ મેચની T20 શ્રેણીની પ્રથમ મેચમાં 25 રન બનાવનાર મંધાના ન્યૂઝીલેન્ડની સુઝી બેટ્સ (4716 રન) બાદ T20 આંતરરાષ્ટ્રીયમાં 4000 રન બનાવનારી બીજી મહિલા ખેલાડી બની હતી.

મંધાનાએ સૌથી ઓછા બોલમાં (3227) સિદ્ધિ હાંસલ કરી હતી. જ્યારે બેટ્સે 4000 રન બનાવવા માટે 3675 બોલ લીધા હતા.અત્યાર સુધીમાં મંધાનાએ T20 ઈન્ટરનેશનલમાં 4007 રન, ODIમાં 5322 રન અને ટેસ્ટ ક્રિકેટમાં 629 રન બનાવ્યા છે.જેમિમાહ રોડ્રિગ્સે મેચ-વિનિંગ અણનમ અડધી સદી રમી હતી કારણ કે હરમનપ્રીત કૌરની આગેવાની હેઠળની ભારતીય મહિલા ટીમે રવિવારે શ્રીલંકા મહિલા સામેની શ્રેણીની પ્રથમ મેચમાં આઠ વિકેટથી અદભૂત જીત નોંધાવી હતી.

આ શાનદાર જીત સાથે ભારતીય મહિલા ટીમે શ્રીલંકા સામે ચાલી રહેલી T20 આંતરરાષ્ટ્રીય શ્રેણીમાં 1-0થી લીડ મેળવી લીધી છે. 122 રનના ટાર્ગેટનો પીછો કરતા જેમિમાએ 44 બોલમાં 10 ફોરની મદદથી અણનમ 69 રન બનાવ્યા હતા.જેના કારણે ભારતીય મહિલા ટીમે માત્ર 14.4 ઓવરમાં જ ટાર્ગેટ હાંસલ કરી લીધો હતો.જેમિમાએ શ્રીલંકા સામે T20 ઈન્ટરનેશનલમાં મિતાલી રાજના ચાર 50-પ્લસ રનના સ્કોર સાથે પણ બરાબરી કરી હતી.

લક્ષ્યનો પીછો કરતા મંધાના અને જેમિમાએ બીજી વિકેટ માટે 54 રનની મહત્વપૂર્ણ ભાગીદારી કરીને ભારતને મજબૂત સ્થિતિમાં પહોંચાડ્યું હતું. જેમિમાહે કેપ્ટન હરમનપ્રીત કૌર સાથે ત્રીજી વિકેટ માટે 55 રનની અતૂટ ભાગીદારી કરી હતી. જે 15 રન બનાવીને અણનમ રહી હતી. આ ભાગીદારીના કારણે શ્રીલંકાની મહિલા ટીમે પ્રથમ T20 આંતરરાષ્ટ્રીય મેચ આઠ વિકેટથી જીતી લીધી હતી. આ પહેલા પ્રથમ બેટિંગ કરતા શ્રીલંકાની મહિલા ટીમ 20 ઓવરમાં 6 વિકેટે 121 રન જ બનાવી શકી હતી. શ્રીલંકાની ઓપનિંગ બેટ્સમેન વિશ્મી ગુણારત્નેએ 43 બોલમાં 39 રન બનાવીને શ્રેષ્ઠ પ્રદર્શન કર્યું હતું.