કેનેડા: ભૂતપૂર્વ PM ટ્રુડો અને કેટી પેરીના સંબંધોની પુષ્ટિ!! પોપ સ્ટારે જાપાન ટ્રીપનો ફોટો શેર કર્યો

પોપ સ્ટાર કેટી પેરી અને ભૂતપૂર્વ કેનેડાના વડાપ્રધાન જસ્ટિન ટ્રુડોએ શનિવાર 6 ડિસેમ્બર 2025 ના રોજ સત્તાવાર રીતે તેમના સંબંધોની જાહેરાત કરી.પેરીએ તેમના ઇન્સ્ટાગ્રામ એકાઉન્ટ પર તેમની જાપાન ટ્રીપના ઘણા ફોટા અને વીડિયો શેર કર્યા.જે તેમને સોશિયલ મીડિયા પર પહેલી વાર સાથે જોવા મળ્યા હતા.તેઓ અગાઉ ઓક્ટોબરમાં સાથે જોવા મળ્યા હતા.

કેટી પેરીએ તેમના ચાલુ “લાઇફટાઇમ્સ ટૂર”ના ભાગરૂપે આ ટ્રીપના ફોટા અને વીડિયો શેર કર્યા. એક ફોટામાં પેરી અને 53 વર્ષીય ટ્રુડો સાથે સેલ્ફી લેતા દેખાય છે.. જ્યારે બીજા વિડિઓમાં તેઓ સાથે જમતા અને એક કલા પ્રદર્શનમાં સમય વિતાવતા દેખાય છે.પેરીએ પોસ્ટને કેપ્શન આપ્યું, “ટોક્યો ટાઇમ્સ ઓન ટૂર એન્ડ મોર (sic).”

જાપાનના ભૂતપૂર્વ પીએમ કિશિદા સાથે મુલાકાત

ટોક્યોમાં કેટી પેરી અને ટ્રુડોએ બુધવાર, 3 ડિસેમ્બરના રોજ ભૂતપૂર્વ જાપાની વડાપ્રધાન ફુમિયો કિશિદા અને તેમની પત્ની યુકો સાથે પણ મુલાકાત કરી.કિશિદાએ X પર ક્રિસમસ ટ્રી પાસે લેવાયેલો ફોટો શેર કર્યો.. જેમાં પેરીને ટ્રુડોના “જીવનસાથી” તરીકે વર્ણવવામાં આવ્યા.તેમણે જાપાનીઝમાં લખ્યું, “કેનેડાના ભૂતપૂર્વ વડાપ્રધાન જસ્ટિન ટ્રુડો તેમના જીવનસાથી સાથે જાપાન આવ્યા હતા અને મારી પત્ની અને મારી સાથે લંચ માટે જોડાયા હતા.”

કિશિદાએ ટ્રુડો સાથેની તેમની લાંબા સમયની ભાગીદારીને યાદ કરતા લખ્યું, “વડાપ્રધાન તરીકેના તેમના કાર્યકાળ દરમિયાન, અમે ઘણી વખત મળ્યા હતા.. અને જ્યારે હું કેનેડાની મુલાકાતે ગયો હતો.ત્યારે અમે દ્વિપક્ષીય સંબંધોને મજબૂત બનાવવા માટે કામ કર્યું હતું.. જેમાં ‘જાપાન-કેનેડા એક્શન પ્લાન’ વિકસાવવાનો સમાવેશ થાય છે.મને આનંદ છે કે અમે આ રીતે અમારી મિત્રતા ચાલુ રાખીએ છીએ.”

ટ્રુડોએ સોશિયલ મીડિયા પર કિશિદાની લાગણીઓનો પડઘો પાડતા લખ્યું, “તમને મળીને આનંદ થયો, કિશિદા.કેટી અને મને તમારી અને યુકો સાથે બેસવાની તક મળી તેનો આનંદ થયો.તમારા મૈત્રીપૂર્ણ સંબંધો અને આંતરરાષ્ટ્રીય નિયમો-આધારિત વ્યવસ્થા અને બધા માટે સારા ભવિષ્ય માટે તમારી પ્રતિબદ્ધતા બદલ આભાર.”

મોન્ટ્રીયલમાં મુલાકાત પછી ડેટિંગ શરૂ કર્યું

અહેવાલો અનુસાર, પેરી અને ટ્રુડોએ આ ઉનાળાની શરૂઆતમાં મોન્ટ્રીયલમાં મુલાકાત પછી ડેટિંગ શરૂ કર્યું. બંને તાજેતરમાં જ અગાઉના સંબંધોથી અલગ થયા હતા. પેરી જૂનમાં ઓર્લાન્ડો બ્લૂમથી અલગ થઈ ગયા હતા..જ્યારે ટ્રુડોએ 18 વર્ષના લગ્નજીવન પછી 2023 માં તેમની પત્ની સોફી ગ્રેગોઇરથી અલગ થવાની જાહેરાત કરી હતી.

આ દંપતીથી પરિચિત એક સૂત્રએ પીપલ મેગેઝિનને જણાવ્યું હતું કે ટ્રુડો મોન્ટ્રીયલમાં ડેટ કર્યા ત્યારથી ગ્રેમી નોમિની પેરીને ફોલો કરી રહ્યા હતા.સૂત્રએ ઉમેર્યું કે, “તેઓ ટૂર બ્રેક દરમિયાન કેલિફોર્નિયા પણ ગયા હતા.તેમની વચ્ચે ખૂબ જ સારો સંબંધ છે.તેણી તેને આકર્ષક માને છે. તે ખૂબ જ આદરણીય છે.”

કેટી પેરી અને ટ્રુડો 25 ઓક્ટોબરના રોજ પેરિસમાં એક કેબરે શોમાં દંપતી તરીકે પ્રથમ વખત જાહેરમાં દેખાયા હતા. જેનાથી તેમના સંબંધોની અફવાઓની પુષ્ટિ થઈ હતી.તે સાંજના ફોટામાં બંને હાથ પકડીને સ્થળ છોડી રહ્યા હતા અને હસતા હતા.