લેટિન પોપ સ્ટાર એનરિક ઇગ્લેસિયસ મુંબઈ પહોંચ્યા,13 વર્ષ પછી ભારતમાં કરશે પરફોર્મ

લેટિન પોપ સ્ટાર એનરિક ઇગ્લેસિયસ તેમના કોન્સર્ટ માટે ભારત પહોંચ્યા છે. એનરિકના કોન્સર્ટ 29 અને 30 ઓક્ટોબરે મુંબઈમાં યોજાવાના છે. જેના કારણે ચાહકોમાં ઘણો ઉત્સાહ ફેલાયો છે.

એનરિક કેઝ્યુઅલ લુકમાં જોવા મળ્યો

ગ્લોબલ સુપરસ્ટાર એનરિક ઇગ્લેસિયસ, જે તેમના રોમેન્ટિક હિટ્સ અને શક્તિશાળી સ્ટેજ પર્ફોર્મન્સ માટે જાણીતા છે. એરપોર્ટ પર કેઝ્યુઅલ લુકમાં જોવા મળ્યા. તેમણે “પાર્ટી નેકેડ” સૂત્ર સાથે કેઝ્યુઅલ ટી-શર્ટ પહેરી હતી. એનરિકની ભારત મુલાકાતની પણ ચર્ચા થઈ રહી છે કારણ કે એવા અહેવાલો છે કે તેઓ શાહરૂખ ખાનને શાહરૂખના આગામી પ્રોજેક્ટ “કિંગ”માટે સહયોગની ચર્ચા કરવા માટે મળી શકે છે.

એનરિક પણ કોન્સર્ટની રાહ જોઈ રહ્યા છે

એનરિકના ગીતો લાંબા સમયથી ભારતીય પ્રેક્ષકોમાં પ્રિય રહ્યા છે.આ કોન્સર્ટ માટે ભારત આવવા અંગે એનરિકે ફર્સ્ટપોસ્ટને જણાવ્યું કે,ભારતના પ્રેક્ષકો અદ્ભુત છે. તેમને સંગીતની કળા પ્રત્યે ખરા અર્થમાં પ્રશંસા અને આદર છે.જ્યારે હું ભારતમાં સ્ટેજ પર આવું છું. ત્યારે પ્રેક્ષકો અદ્ભુત હોય છે.ઉર્જાનું સ્તર અદ્ભુત હોય છે.હું ભારતમાં મારા ચાહકો સાથે તે ઉર્જા સ્તરનો અનુભવ કરવા માટે આતુર છું.

13 વર્ષ પછી ભારતમાં પ્રદર્શન કરવા માટે એનરિક તૈયાર

ભારત સાથે એનરિકનું જોડાણ દાયકાઓ જૂનું છે.તેમણે સૌપ્રથમ 2004માં મુંબઈમાં પ્રદર્શન કર્યું હતું.2012માં તેમના યુફોરિયા વર્લ્ડ ટૂર માટે પાછા ફર્યા હતા. જેમાં પુણે, ગુરુગ્રામ અને બેંગલુરુમાં સ્ટોપનો સમાવેશ થતો હતો.તેમના કોન્સર્ટે ભારતીય પ્રેક્ષકોને લેટિન પોપ રજૂ કરવામાં મુખ્ય ભૂમિકા ભજવી હતી.આજે દેશ જે વૈશ્વિક કોન્સર્ટ બૂમ અનુભવી રહ્યો છે. તેનો માર્ગ મોકળો કર્યો હતો. એનરિક 13 વર્ષ પછી ભારત પરત ફર્યો હતો..