ટ્રમ્પે ચીન પર વધારાનો 100 ટકા ટેરિફ લાદ્યો

યુએસ પ્રમુખ ડોનાલ્ડ ટ્રમ્પે શુક્રવારે ટ્રુથસોશિયલ પર એક પોસ્ટમાં જાહેરાત કરી હતી કે, દુર્લભ ખનિજોના નિકાસ પર ચીનના પ્રતિબંધ બાદ યુએસ 1 નવેમ્બરથી ચીની ઉત્પાદનો પર વધારાનો 100% ટેરિફ લાદશે.ચીને એવું વલણ અપનાવ્યું છે જે પહેલાં ક્યારેય ન જોયું હોય.જો 1 નવેમ્બર, 2025 ના રોજ અથવા તે પહેલાં ચીન દ્વારા કોઈ વધુ કાર્યવાહી અથવા ફેરફાર કરવામાં આવે છે. તો યુનાઇટેડ સ્ટેટ્સ ચીન પર 100% ટેરિફ લાદશે. જે હાલમાં લાગુ કરાયેલા કોઈપણ ટેરિફ કરતા વધારે હશે.

ચીન અને યુએસ વચ્ચે વેપાર યુદ્ધ ફરી શરૂ

ટ્રમ્પે એક પોસ્ટમાં ચીન પર ટેરિફની જાહેરાત કરી હતી.જેમાં જણાવ્યું કે આ ટેરિફ હાલમાં લાગુ કરાયેલા કોઈપણ અન્ય ટેરિફ ઉપરાંત હશે.ટ્રમ્પના આ પગલાથી વિશ્વની બે સૌથી મોટી અર્થવ્યવસ્થાઓ વચ્ચે ટેરિફ યુદ્ધ વધ્યું છે.ટ્રમ્પે જણાવ્યું કે બેઇજિંગના “અસાધારણ આક્રમક” પગલાંના જવાબમાં 1 નવેમ્બરથી વધારાના ટેરિફ, તેમજ “કોઈપણ અને તમામ મહત્વપૂર્ણ સોફ્ટવેર” પર યુએસ નિકાસ નિયંત્રણો અમલમાં આવશે.તેમણે ટ્રુથઆઉટ પર કહ્યું, “એવું માનવું અશક્ય છે કે ચીન આવું પગલું ભરશે. પરંતુ તેઓએ લીધું અને બાકીનું ઇતિહાસ છે.”

ચીની માલ પર હાલમાં 30 ટકા યુએસ ટેરિફ અમલમાં છે. જે ટ્રમ્પે બેઇજિંગ પર ફેન્ટાનાઇલ વેપારમાં મદદ કરવાનો અને કથિત અન્યાયી પ્રથાઓમાં સામેલ થવાનો આરોપ લગાવ્યા બાદ લાદ્યો હતો.

ટ્રમ્પે પોતાની સોશિયલ મીડિયા પોસ્ટમાં શું લખ્યું?

ચીનનો અમેરિકા પર બદલો લેવાનો ટેરિફ હાલમાં 10 ટકા છે.ટ્રમ્પે પોતાના ટ્રુથઆઉટ સોશિયલ નેટવર્ક પર એક લાંબી પોસ્ટમાં ટેરિફની ધમકી આપી હતી.જેમાં નોંધ્યું હતું કે ચીને વિશ્વભરના દેશોને દુર્લભ પૃથ્વી ખનિજો પર નિકાસ નિયંત્રણો વિશે વિગતવાર પત્રો મોકલ્યા છે. સ્માર્ટફોન અને ઇલેક્ટ્રિક વાહનોથી લઈને લશ્કરી હાર્ડવેર અને નવીનીકરણીય ઉર્જા ટેકનોલોજી સુધીની દરેક વસ્તુના ઉત્પાદન માટે રેર અર્થ ખનિજો મહત્વપૂર્ણ છે. ચીન આ સામગ્રીના વૈશ્વિક ઉત્પાદનમાં પ્રભુત્વ ધરાવે છે. ટ્રમ્પે ચીનના વલણને “અત્યંત પ્રતિકૂળ” ગણાવ્યું, લખ્યું, “ચીનને કોઈપણ રીતે વિશ્વને ‘કબજે’ કરવાની મંજૂરી આપવી જોઈએ નહીં.”