મહિલા પત્રકારોને અફઘાન મંત્રીની પ્રેસ કોન્ફરન્સમાં જવા પર પ્રતિબંધ, કોંગ્રેસે સરકારની ટીકા કરી

અફઘાનિસ્તાનમાં તાલિબાન સરકારના વિદેશ મંત્રી આમીર ખાન મુત્તાકી સાત દિવસ માટે ભારતની મુલાકાતે છે..અફઘાન મંત્રી શુક્રવારે વિદેશ મંત્રી એસ.જયશંકર સાથે મળ્યા.મુત્તાકીએ એક પ્રેસ કોન્ફરન્સ યોજી હકતી.. જ્યાં મહિલા પત્રકારોને પ્રવેશ આપવામાં આવ્યો ન હતો.પરિણામે કોંગ્રેસે અફઘાન મંત્રી મુત્તાકીની પ્રેસ કોન્ફરન્સમાં મહિલા પત્રકારોને પ્રતિબંધિત કરવા બદલ ભાજપ સરકારની ટીકા કરવાનું શરૂ કર્યું.

પ્રિયંકા ગાંધીએ પીએમ મોદીને મહિલા પત્રકારોને તાલિબાન પ્રેસ કોન્ફરન્સમાં હાજરી આપવા ન દેવા બદલ સવાલ ઉઠાવ્યા અને તેમને પોતાનું વલણ સ્પષ્ટ કરવા વિનંતી કરી.પ્રિયંકા ગાંધીએ આ ઘટનાને “ભારતની સક્ષમ મહિલાઓનું અપમાન” ગમાવ્યું..કોંગ્રેસના મહાસચિવે એક એક્સ-પોસ્ટમાં પૂછ્યું કે જો પ્રધાનમંત્રી દ્વારા મહિલા અધિકારોને માન્યતા આપવી એ દેખાવ નથી તો પછી “આપણા દેશની સક્ષમ મહિલાઓનું અપમાન” કેવી રીતે થવા દેવામાં આવ્યું? વરિષ્ઠ નેતા પી.ચિદમ્બરમે સોશિયલ મીડિયા પોસ્ટ દ્વારા પ્રતિક્રિયા આપી.તેમણે કહ્યું કે આવી સ્થિતિમાં પુરુષ પત્રકારોએ તેમના મહિલા સાથીદારો સાથે એકતા દર્શાવવા માટે પ્રેસ કોન્ફરન્સનો બહિષ્કાર કરવો જોઈતો હતો.

પોતાની પોસ્ટમાં, ચિદમ્બરમે લખ્યું, “મને આશ્ચર્ય થાય છે કે અફઘાન મંત્રી આમીર ખાન મુત્તાકીની પ્રેસ કોન્ફરન્સમાં મહિલા પત્રકારોનો સમાવેશ કરવામાં આવ્યો ન હતો. મારા અંગત મતે જ્યારે પુરુષ પત્રકારોને ખબર પડી કે તેમના મહિલા સાથીદારોનો સમાવેશ કરવામાં આવ્યો નથી અથવા તેમને આમંત્રણ આપવામાં આવ્યું નથી ત્યારે તેમણે બહાર નીકળી જવું જોઈતું હતું.”

કોંગ્રેસ સાંસદ કાર્તિ પી.ચિદમ્બરમે પણ આ મુદ્દે ભાજપ સરકારની આકરી ટીકા કરી અને વિદેશ મંત્રી એસ. જયશંકર પ્રત્યે નિરાશા વ્યક્ત કરી.તેમણે કહ્યું, “હું તે ભૂ-રાજકીય મજબૂરીઓને સમજું છું જે અમને તાલિબાન સાથે વાટાઘાટો કરવા માટે મજબૂર કરે છે. પરંતુ તેમના ભેદભાવપૂર્ણ અને સરળ રિવાજોને સ્વીકારવા એ સંપૂર્ણપણે હાસ્યાસ્પદ છે.તાલિબાન મંત્રીની પ્રેસ કોન્ફરન્સમાંથી મહિલા પત્રકારોને બાકાત રાખવાનું વિદેશ મંત્રાલય અને એસ.જયશંકરનું વર્તન અત્યંત નિરાશાજનક છે.”

તાલિબાન મંત્રી 9 ઓક્ટોબરથી 16 ઓક્ટોબર સુધી ભારતની એક અઠવાડિયાની મુલાકાતે છે.ઓગસ્ટ 2021 માં તાલિબાને અફઘાનિસ્તાન પર કબજો મેળવ્યો ત્યારથી કાબુલથી ભારતની મુલાકાત લેનાર આ પ્રથમ ઉચ્ચ સ્તરીય પ્રતિનિધિમંડળ છે.તેમની મુલાકાતના પહેલા દિવસે મુત્તાકીએ વિદેશ મંત્રી એસ.જયશંકર સાથે દ્વિપક્ષીય બેઠક યોજી અને બંને દેશો વચ્ચેના સંબંધોને મજબૂત બનાવવા માટે સહયોગી પ્રયાસો પર ચર્ચા કરી હતી.