રાષ્ટ્રપતિ દ્રૌપદી મુર્મુ અને અમિત શાહ સહિત અન્ય લોકોએ PM મોદીને તેમના 75માં જન્મદિવસની શુભેચ્છાઓ પાઠવી.

વડાપ્રધાન નરેન્દ્ર મોદી બુધવારે તેમનો 75મો જન્મદિવસ ઉજવી રહ્યા છે.રાષ્ટ્રપતિ દ્રૌપદી મુર્મુએ તેમને શુભેચ્છાઓ પાઠવી.કેન્દ્રીય મંત્રીઓ ભાજપના નેતાઓ અને અનેક વિપક્ષી નેતાઓએ પણ શુભેચ્છાઓ પાઠવી.

રાષ્ટ્રપતિ દ્રૌપદી મુર્મુએ બુધવારે સોશિયલ મીડિયા પ્લેટફોર્મ ‘X’ પર લખ્યું, “ભારતના પ્રધાનમંત્રી નરેન્દ્ર મોદીને તેમના જન્મદિવસ પર હાર્દિક અભિનંદન અને શુભકામનાઓ. તમારા અસાધારણ નેતૃત્વ દ્વારા, તમે દેશમાં મહાન લક્ષ્યો પ્રાપ્ત કરવાની સંસ્કૃતિ સ્થાપિત કરી છે.જે સખત મહેનતના શિખરનું ઉદાહરણ છે.આજે, વૈશ્વિક સમુદાય પણ તમારા માર્ગદર્શનમાં વિશ્વાસ વ્યક્ત કરી રહ્યો છે. હું ભગવાનને પ્રાર્થના કરું છું કે તમે હંમેશા સ્વસ્થ અને ખુશ રહો. અને તમારું અજોડ નેતૃત્વ રાષ્ટ્રને પ્રગતિની નવી ઊંચાઈઓ પર લઈ જશે.”

કેન્દ્રીય ગૃહમંત્રી અમિત શાહે પોતાની પોસ્ટમાં લખ્યું,”બલિદાન અને સમર્પણના પ્રતીક, લાખો દેશવાસીઓ માટે પ્રેરણા, પ્રધાનમંત્રી શ્રી નરેન્દ્ર મોદીને તેમના 75મા જન્મદિવસ પર હાર્દિક શુભેચ્છાઓ.સામાજિક જીવનમાં પાંચ દાયકાથી વધુ સમય સુધી દેશવાસીઓના કલ્યાણ માટે અથાક મહેનત કરનારા મોદી દરેક નાગરિક માટે ‘રાષ્ટ્ર પ્રથમ’ ની જીવંત પ્રેરણા છે.”

સંરક્ષણમંત્રી રાજનાથ સિંહે પોતાના ટ્વીટમાં લખ્યું, “ભારતના પ્રતિષ્ઠિત પ્રધાનમંત્રી નરેન્દ્ર મોદીને તેમના 75મા જન્મદિવસ પર હાર્દિક શુભેચ્છાઓ.તેમના દૂરંદેશી નેતૃત્વ, રાષ્ટ્ર પ્રત્યે સમર્પણ અને અથાક મહેનતથી, મોદીએ ભારતને નવી ઉર્જા અને નવી દિશા આપી છે.તેમણે વૈશ્વિક મંચ પર ભારતની શક્તિ અને સન્માન વધાર્યું છે.તેમણે પોતાની અસાધારણ નેતૃત્વ કુશળતા, કલ્પનાશક્તિ અને સંવેદનશીલતા દર્શાવી છે.ગરીબો અને જનતાના કલ્યાણ પ્રત્યેની તેમની પ્રતિબદ્ધતા પોતે જ એક ઉદાહરણ છે.”

રાજનાથ સિંહે પોતાની પોસ્ટમાં આગળ લખ્યું, “વિકસિત ભારતના સંકલ્પ સાથે, મોદીજી દેશને આત્મનિર્ભરતા, વિકાસ અને સમૃદ્ધિના સંદર્ભમાં મજબૂત બનાવી રહ્યા છે.હું ભગવાનને પ્રાર્થના કરું છું કે તેમને સારું સ્વાસ્થ્ય, લાંબુ આયુષ્ય અને સતત ઉર્જા મળે જેથી તેઓ ભારતને નવી ઊંચાઈઓ પર લઈ જવામાં સફળ રહે.”