મને જીવન ખૂબ ગમે છે’, નફીસા અલીએ સ્વાસ્થ્ય અપડેટ શેર કરી, કીમોથેરાપી શરૂ કરી

‘યમલા પગલા દીવાના’, ‘લાઇફ ઇન અ મેટ્રો’ અને ‘લાહોર’ જેવી ઉત્તમ ફિલ્મો કરી ચૂકેલી નફીસા અલીને 2018 માં તબીબી તપાસ દરમિયાન કેન્સર હોવાનું નિદાન થયું હતું. તેણીએ તેની સારવાર કરાવી હતી. હવે આ ખતરનાક રોગ સામેની તેની લડાઈ ફરી શરૂ થઈ ગઈ છે.મંગળવારે નફીસાએ એક પોસ્ટ શેર કરી. જેમાં તેણે ઉલ્લેખ કર્યો છે કે, તેની કીમોથેરાપી ફરી શરૂ થઈ ગઈ છે. કારણ કે હવે સર્જરી થઈ શકતી નથી.

કીમોથેરાપી શરૂ

નફીસાએ 1976માં મિસ ઈન્ડિયાનો ખિતાબ જીત્યો હતો.આ પીઢ અભિનેત્રીએ આજે ​​પોતાના ઈન્સ્ટાગ્રામ એકાઉન્ટ પર એક પોસ્ટ શેર કરી.આ સાથે તેણે લખ્યું, ‘આજથી મારી સફરનો એક નવો અધ્યાય શરૂ થયો છે.ગઈકાલે મારું PET સ્કેન થયું હતું.સર્જરી શક્ય નથી. તેથી કીમોથેરાપી ફરી શરૂ થઈ છે.વિશ્વાસ કરો, હું જીવનને ખૂબ પ્રેમ કરું છું’.

જીવનના કોઈપણ પડકાર કરતાં સંબંધો વધુ મજબૂત

નફીસાએ પોસ્ટ સાથે એક સ્ક્રીનશોટ શેર કર્યો છે.જેમાં લખ્યું છે, ‘એક દિવસ મારા બાળકોએ પૂછ્યું, ‘જ્યારે તમે નહીં હોવ, ત્યારે આપણે કોની પાસે જઈશું? મેં કહ્યું, ‘એકબીજાનો ટેકો બનો. મારી સૌથી મોટી ભેટ એ છે કે ભાઈ-બહેનો, જે સમાન પ્રેમ અને યાદો શેર કરે છે. તેઓ એકબીજાનો ટેકો બને.આ યાદ રાખો તમારા સંબંધો જીવનના કોઈપણ પડકાર કરતાં વધુ મજબૂત છે’.

‘જુનૂન’ થી કારકિર્દીની શરૂઆત કરી

નફીસા ‘મિસ ઇન્ટરનેશનલ-1977’ માં રનર અપ પણ રહી છે.તે એક સ્વિમર પણ રહી છે.નફીસાએ ફિલ્મ ‘જુનૂન’ થી તેની અભિનય કારકિર્દીની શરૂઆત કરી હતી.અભિનેત્રીએ તેની કારકિર્દીમાં શશિ કપૂર,અમિતાભ બચ્ચન,ધર્મેન્દ્ર અને સલમાન ખાન જેવા સ્ટાર્સ સાથે કામ કર્યું છે.નફીસાના લગ્ન અર્જુન એવોર્ડ વિજેતા પોલો ખેલાડી કર્નલ આરએસ સોઢી સાથે થયા છે.નફીસાને 2018 માં અંડાશયનું કેન્સર થયું હતું.જોકે તેણીએ તેની સામેની લડાઈ જીતી લીધી હતી.પરંતુ હવે કીમોથેરાપી ફરી શરૂ થઈ છે.નફીસાના ચાહકો તેના સ્વાસ્થ્ય માટે પ્રાર્થના કરી રહ્યા છે.