સીપી રાધાકૃષ્ણન ઉપરાષ્ટ્રપતિ પદની ચૂંટણી માટે એનડીએના ઉમેદવાર હશે, સંસદીય બોર્ડની બેઠકમાં મંજૂરી

મહારાષ્ટ્રના વર્તમાન રાજ્યપાલ સીપી રાધાકૃષ્ણન એનડીએના ઉપરાષ્ટ્રપતિ પદના ઉમેદવાર હશે. ભાજપ સંસદીય બોર્ડની બેઠકમાં આને મંજૂરી આપવામાં આવી છે. સીપી રાધાકૃષ્ણન તમિલનાડુના રહેવાસી છે.

ઝારખંડના ભૂતપૂર્વ રાજ્યપાલ સીપી રાધાકૃષ્ણન એનડીએના ઉપરાષ્ટ્રપતિ પદના ઉમેદવાર હશે. ભાજપના રાષ્ટ્રીય અધ્યક્ષ જેપી નડ્ડાએ સત્તાવાર રીતે આની જાહેરાત કરી. તેમણે જણાવ્યું કે રાધાકૃષ્ણન તમિલનાડુમાં ભાજપના અધ્યક્ષ રહી ચૂક્યા છે. તેમને રાજ્યપાલ તરીકે લાંબો વહીવટી અનુભવ છે.

ભાજપ પ્રમુખ જેપી નડ્ડાનું નિવેદન

એનડીએ સંસદીય પક્ષની બેઠક બાદ પત્રકાર પરિષદને સંબોધતા, ભાજપ પ્રમુખ જેપી નડ્ડાએ કહ્યું કે અમારા એનડીએ સાથીદારો સાથે પણ ઊંડાણપૂર્વક ચર્ચા થઈ છે. આ પછી, આજે હું તમને જણાવતા ખુશ છું અને તમને આ ખુશખબર આપવા માંગુ છું કે પીએમ મોદીના નેતૃત્વમાં મળેલી સંસદીય બોર્ડની બેઠકમાં, બધા પાસાઓ પર ચર્ચા કરવામાં આવી હતી.અને ઘણા નામો પર ચર્ચા કરવામાં આવી હતી.સૂચનો પણ માંગવામાં આવ્યા હતા અને આ પછી નિર્ણય લેવામાં આવ્યો હતો કે આપણા મહારાષ્ટ્રના રાજ્યપાલ સીપી રાધાકૃષ્ણનને ઉપરાષ્ટ્રપતિ પદ માટે એનડીએ ઉમેદવાર બનાવવામાં આવશે.