કેપ્ટનશીપની તો વાત જવાદો, શુભમન ગિલ એશિયા કપમાંથી બહાર થઈ શકે છે! નવા રિપોર્ટમાં મોટો ખુલાસો

શુભમન ગિલના T20 આંતરરાષ્ટ્રીય ક્રિકેટમાં પુનરાગમન અને એશિયા કપ 2025 માટે કેપ્ટન બનાવવા અંગેની અટકળો ખોટી સાબિત થઈ છે, કારણ કે તાજેતરના મીડિયા રિપોર્ટમાં ખુલાસો થયો છે કે BCCI પસંદગી સમિતિ સૂર્યકુમાર યાદવને કેપ્ટન તરીકે રાખવા પર અડગ છે. T20 એશિયા કપ 9 સપ્ટેમ્બરથી UAEમાં શરૂ થવા જઈ રહ્યો છે. જેમાં સૂર્યા ટીમના કેપ્ટન રહેશે. જ્યારે શુભમન ગિલનું વાપસી

પણ શક્ય નથી. એશિયા કપ માટે ટીમની જાહેરાત 19 ઓગસ્ટે થવાની છે.

રિપોર્ટ અનુસાર, મુખ્ય પસંદગીકાર અજિત અગરકર 19 ઓગસ્ટે મુંબઈમાં પસંદગી બેઠક બાદ પ્રેસ કોન્ફરન્સ દ્વારા ટીમની જાહેરાત કરશે. એક સૂત્રએ આ અખબારને જણાવ્યું હતું કે, “હા, એશિયા કપ માટે ટીમની પસંદગી 19 ઓગસ્ટે મુંબઈમાં થશે. પસંદગી સમિતિની બેઠક પછી મુખ્ય પસંદગીકાર અજિત અગરકર પ્રેસ કોન્ફરન્સ કરશે.” અહેવાલમાં એમ પણ કહેવામાં આવ્યું છે કે વર્તમાન T20 કેપ્ટન સૂર્યકુમાર મુંબઈમાં યોજાનારી બેઠકનો ભાગ રહેશે.

સૂર્યકુમાર યાદવ હાલમાં સ્પોર્ટ્સ હર્નિયા સર્જરીમાંથી સ્વસ્થ થવા માટે બેંગલુરુમાં BCCI સેન્ટર ઓફ એક્સેલન્સ (COE) ખાતે છે. સૂર્યકુમારે COE ખાતે તાલીમ શરૂ કરી દીધી છે.આ અહેવાલે એવી અટકળોનો પણ અંત લાવ્યો છે કે ઇંગ્લેન્ડ પ્રવાસ પર શાનદાર પ્રદર્શન કરનાર શુભમન ગિલને ભારતના નવા T20 કેપ્ટન બનાવવામાં આવશે. ભારતના ટેસ્ટ કેપ્ટન તરીકેના તેમના પ્રથમ કાર્યકાળમાં, તેમણે યુવા ટીમ સાથે શ્રેણી 2-2 થી ડ્રો કરી હતી. તેમણે આ શ્રેણીમાં 754 રન બનાવ્યા હતા.

ક્રિકેટ નિષ્ણાતોએ તેમની કેપ્ટનશીપની પ્રથમ શ્રેણી પછી તેમને ત્રણેય ફોર્મેટના કેપ્ટન તરીકે જોયા છે. જો કે, નવીનતમ અહેવાલમાં સ્પષ્ટ કરવામાં આવ્યું છે કે સૂર્યા T20 ક્રિકેટનું નેતૃત્વ કરવાનું ચાલુ રાખશે. એટલું જ નહીં, 25 વર્ષીય ખેલાડીને એશિયા કપ માટે T20 ટીમમાં પણ સ્થાન મળશે નહીં. કારણ કે પસંદગીકારો વર્તમાન ઓપનિંગ જોડી સંજુ સેમસન અને અભિષેક શર્મા સાથે રમવાનું ચાલુ રાખશે. યશસ્વી જયસ્વાલને પણ લાલ બોલ ક્રિકેટ પર ધ્યાન કેન્દ્રિત કરવાનું કહેવામાં આવ્યું છે. એટલું જ નહીં, આ વર્ષે IPLમાં સારા પ્રદર્શન છતાં શ્રેયસ ઐયરને પણ અવગણવામાં આવે તેવી અપેક્ષા છે.

સૂત્રએ જણાવ્યું હતું કે, “વાસ્તવમાં, ભારત સંજુ સેમસન અને અભિષેક શર્માની ઓપનિંગ જોડી સાથે રમવા માંગે છે, પરંતુ ગિલ હાલમાં ટીમમાં સ્થાન મેળવવા માટે સંઘર્ષ કરી રહ્યો છે. ઇંગ્લેન્ડમાં શાનદાર પ્રદર્શન કરનાર યશસ્વી જયસ્વાલ અને મધ્યમ ક્રમના બેટ્સમેન શ્રેયસ ઐયરને પણ ટીમમાંથી બહાર કરી શકાય છે. પસંદગીકારોએ જયસ્વાલને લાલ બોલ ક્રિકેટ પર ધ્યાન કેન્દ્રિત કરવાની સલાહ આપી છે.”