વિરોધ પક્ષના નેતા હોવા છતાં, મને ગૃહમાં બોલવાની મંજૂરી નથી – રાહુલ ગાંધી

રાહુલ ગાંધીએ કહ્યું કે, વિરોધ પક્ષના નેતા હોવા છતાં મને ગૃહમાં બોલવાની મંજૂરી નથી.વિરોધ પક્ષના નેતા રાહુલ ગાંધીએ લોકસભામાં પોતાનો મુદ્દો રજૂ કરવાની મંજૂરી ન મળવા પર નારાજગી વ્યક્ત કરી હતી.

રાહુલ ગાંધીએ કહ્યું કે, જ્યારે સંરક્ષણ પ્રધાન અને અન્ય પ્રધાનો સરકાર વતી બોલી શકે છે. તો વિરોધ પક્ષના નેતાને પણ બોલવાનો અધિકાર મળવો જોઈએ.રાહુલ ગાંધીએ ગૃહમાં કહ્યું કે, “પ્રશ્ન એ છે કે સરકારના લોકો ગૃહમાં બોલી શકે છે.. પરંતુ વિરોધ પક્ષના કોઈ નેતાને બોલવાની મંજૂરી નથી. હું વિરોધ પક્ષનો નેતા છું. મને ક્યારેય બોલવાની મંજૂરી નથી.આ મારો અધિકાર છે.પરંપરા કહે છે કે જો લોકો સરકાર વતી બોલી શકે છે. તો આપણને પણ બોલવાની જગ્યા મળવી જોઈએ.

મીડિયા સાથે વાત કરતા કોંગ્રેસના સાંસદ રાહુલ ગાંધીએ કહ્યું,પ્રશ્ન એ છે કે, જે લોકો સંરક્ષણ મંત્રીને ગૃહમાં બોલવા દે છે. તેઓ તેમના (સરકારના) લોકોને બોલવા દે છે.પરંતુ જો કોઈ વિપક્ષી નેતા કંઈક કહેવા માંગે છે. તો તેઓ મને બોલવા દેતા નથી.હું વિપક્ષનો નેતા છું. તે મારો અધિકાર છે. તેથી તેઓ મને ક્યારેય બોલવા દેતા નથી.આ એક નવો અભિગમ છે.”તેમણે વધુમાં કહ્યું કે, પરંપરા કહે છે કે, જો લોકો સરકાર વતી બોલી શકે છે. તો આપણને પણ બોલવાની જગ્યા મળવી જોઈએ.અમે થોડા શબ્દો કહેવા માંગતા હતા. પરંતુ વિપક્ષને તેમ કરવાની મંજૂરી નથી.

રાહુલ ગાંધીના નિવેદનને સમર્થન આપતા કોંગ્રેસના સાંસદ પ્રિયંકા ગાંધી વાડ્રાએ કહ્યું, “જો સરકાર ચર્ચા માટે તૈયાર છે. તો તેમણે વિપક્ષી નેતાને બોલવાની મંજૂરી આપવી જોઈએ.રાહુલ ગાંધી બોલવા માટે ઉભા થયા છે. તેથી તેમને બોલવાની મંજૂરી આપવી જોઈએ.” નોંધનીય છે કે, ચોમાસુ સત્રની શરૂઆતથી જ સરકાર અને વિપક્ષ વચ્ચે વિવિધ મુદ્દાઓ પર તીવ્ર મુકાબલો જોવા મળી રહ્યો છે.વિપક્ષનો આરોપ છે કે, તેમને પોતાનો મુદ્દો રજૂ કરવા માટે પૂરતી તક આપવામાં આવી રહી નથી. જ્યારે સરકાર તેને સત્રમાં ખલેલ પહોંચાડવાનું રાજકારણ ગણાવી રહી છે.