ખરાબ હવામાનને કારણે અમરનાથ યાત્રા સ્થગિત

ખરાબ હવામાનને કારણે ગુરુવારે જમ્મુના યાત્રી નિવાસથી અમરનાથ યાત્રા માટે કોઈ ગ્રુપ રવાના થશે નહીં. હવામાન અનુકૂળ થતાં શ્રદ્ધાળુઓ અહીંથી રવાના થશે.વહીવટીતંત્ર દ્વારા 15 ગ્રુપ સફળતાપૂર્વક મોકલવામાં આવ્યા છે. સૂત્રોના જણાવ્યા અનુસાર, ખરાબ હવામાનને કારણે શ્રદ્ધાળુઓને મુશ્કેલીઓનો સામનો કરવો પડી શકે છે. રસ્તાઓ બંધ થવાની શક્યતા છે. આને કારણે યાત્રા મુલતવી રાખવામાં આવી છે.સમગ્ર દેશમાં દક્ષિણપશ્ચિમ ચોમાસું સક્રિય છે.તેની અસરને કારણે ભારે વરસાદ પડી રહ્યો છે. બુધવારે પણ ઉત્તરાખંડ સહિત પશ્ચિમ હિમાલયના રાજ્યોથી અરુણાચલ પ્રદેશ, ગુજરાતથી ઓડિશા અને કાશ્મીરથી કેરળ સુધીના વિવિધ સ્થળોએ ભારે વરસાદ પડ્યો હતો.

રાષ્ટ્રીય રાજધાનીમાં પણ વરસાદ પડ્યો હતો.ખરાબ હવામાનને કારણે ઈન્દિરા ગાંધી આંતરરાષ્ટ્રીય એરપોર્ટથી પાંચ ફ્લાઇટ્સ જયપુર અને અમૃતસર તરફ વાળવી પડી હતી. હવામાન વિભાગે પૂર્વ અને નજીકના મધ્ય ભારતમાં આગામી બે દિવસમાં અને દક્ષિણ ભારતમાં 6-7 દિવસમાં ભારે વરસાદની આગાહી કરી છે.આ ઉપરાંત, દિલ્હીથી ગોવા જઈ રહેલી ઇન્ડિગોની એક ફ્લાઇટને સોમવારે રાત્રે ટેકનિકલ ખામીને કારણે મુંબઈ એરપોર્ટ પર કટોકટીની સ્થિતિમાં ઉતરાણ કરવું પડ્યું હતું.સૂત્રોના જણાવ્યા અનુસાર, ઉડાન દરમિયાન, એરબસ A320neo વિમાનના એક એન્જિનમાં ખામી સર્જાઈ હતી. જેના પછી વિમાનને તાત્કાલિક મુંબઈ તરફ વાળવામાં આવ્યું હતું.