અમદાવાદ- મુંબઈ- રૂટ પર દોડશે બુલેટ ટ્રેન..જાપાનમાં ટ્રાયલ શરૂ, જાણો ક્યારે આવશે…

ભારતમાં અમદાવાદ અને મુંબઈ વચ્ચે દોડતી બુલેટ ટ્રેનનું ટ્રાયલ જાપાનમાં શરૂ થઈ ગયું છે. ભારતમાં બુલેટ ટ્રેન આવે તે પહેલાં જ યુદ્ધના ધોરણે કામ ચાલી રહ્યું છે. નેશનલ હાઈ સ્પીડ રેલ કોર્પોરેશન મુંબઈ અને અમદાવાદ વચ્ચે 508 કિમીની ભારતની પહેલી હાઈ-સ્પીડ રેલ લાઈન બનાવી રહ્યું છે…જેનો 352 કિમીનો રૂટ ગુજરાતના નવ જિલ્લાઓ અને મહારાષ્ટ્રના ત્રણ જિલ્લાઓમાંથી પસાર થશે.

જાપાનમાં બુલેટ ટ્રેનના ટ્રાયલની શરૂઆતને એક મોટું પગલું માનવામાં આવે છે. જાપાન અને ભારત વચ્ચેની વ્યૂહાત્મક ભાગીદારી હેઠળ જાપાન ભારતને બે શિંકનસેન ટ્રેન સેટ ભેટમાં આપશે. એક બુલેટ ટ્રેન E5 શ્રેણીની છે..એક E3 શ્રેણીની છે. આ ટ્રેનો 2026 ની શરૂઆતમાં ભારત પહોંચાડવામાં આવશે.

કેટલી ઝડપે દોડશે બુલેટ ટ્રેન..

આ ટ્રેનો જાપાનથી ભારત આવશે ત્યારે તેનું પરીક્ષણ કરવામાં આવશે. આ ટ્રેનોને ભારતીય ભૌગોલિક અને આબોહવાની પરિસ્થિતિઓમાં અનેક સ્તરના પરીક્ષણોમાંથી પસાર થવું પડશે.ભારતમાં બુલેટ ટ્રેનની ગતિ 320 કિમી પ્રતિ કલાક હશે.કેટલાક મીડિયા રિપોર્ટ્સમાં કહેવામાં આવ્યું છે કે,, આ ટ્રેનોનું ભારતમાં 2026 દરમિયાન પરીક્ષણ કરવામાં આવશે.આ ટ્રેનો 2029 સુધીમાં દોડવા માટે સંપૂર્ણપણે તૈયાર થઈ જશે.

બે કલાકમાં યાત્રા પૂર્ણ…

508 કિમી લાંબો MAHSR કોરિડોર નેશનલ હાઇ સ્પીડ રેલ કોર્પોરેશન લિમિટેડદ્વારા વિકસાવવામાં આવી રહ્યો છે.આ કોરિડોર મુંબઈ અને અમદાવાદ વચ્ચેનો મુસાફરીનો સમય ઘટાડીને માત્ર 2 કલાક કરશે. આ રૂટ પર કુલ 12 સ્ટેશન હશે.. જેમાં થાણે, વિરાર, બોઇસર, વાપી, સુરત અને વડોદરાનો સમાવેશ થાય છે. આ ટ્રેન અને રૂટ પર જાપાની ટેકનોલોજીનો ઉપયોગ કરવામાં આવ્યો છે.

300 કિમીના માળખામાંથી, 257.4 કિમી ફુલ સ્પાન લોન્ચિંગ ટેકનોલોજીનો ઉપયોગ કરીને બનાવવામાં આવ્યું છે.. જેના કારણે કામ ખૂબ જ ઝડપથી થયું છે.આ સમયગાળા દરમિયાન ઘણા નદી પુલ, સ્ટીલ અને PSC પુલ અને સ્ટેશન ઇમારતો પણ બનાવવામાં આવી છે.આ પ્રોજેક્ટમાં અત્યાર સુધીમાં 383 કિલોમીટરના થાંભલા, 401 કિલોમીટરનો પાયો અને 326 કિલોમીટરનું ગર્ડર કાસ્ટિંગ પૂર્ણ થઈ ગયું છે…આ બુલેટ ટ્રેન રૂટ પર કુલ 12 સ્ટેશન બનાવવામાં આવી રહ્યા છે.

બુલેટ ટ્રેન ક્યારે દોડવાનું શરૂ થશે?

સુરતમાં ભારતનું પહેલું બુલેટ ટ્રેન સ્ટેશન લગભગ તૈયાર છે.. બાકીનું કામ પણ યુદ્ધના ધોરણે પૂર્ણ થઈ રહ્યું છે. એવું કહેવામાં આવી રહ્યું છે કે ગુજરાતમાં લગભગ 157 કિલોમીટરનો ટ્રેક બેડ પણ નાખવામાં આવ્યો છે.એવી અપેક્ષા છે કે બુલેટ ટ્રેનનો ટ્રાયલ રન આવતા વર્ષે શરૂ થઈ શકે છે. 2029 સુધીમાં સંપૂર્ણ સેવા શરૂ થવાની અપેક્ષા છે.

ખુલશે રોજગારીની તકો

ભારતમાં બુલેટ ટ્રેનના આગમન બાદ રોજગારની તકો ઝડપથી ખુલશે.જાપાન સસ્તા વ્યાજ દર સાથે યેન લોન દ્વારા આ પ્રોજેક્ટનો લગભગ 80 ટકા ખર્ચ ઉઠાવી રહ્યું છે. રોજગાર ઉપરાંત તકનીકી કુશળતા, વ્યવસાય અને પર્યટનને પણ પ્રોત્સાહન આપશે.