કોર્ટે યુટ્યુબર જ્યોતિને 14 દિવસની ન્યાયિક કસ્ટડીમાં મોકલી, હિસાર કોર્ટમાં રજૂ કરાઇ

પાકિસ્તાન માટે જાસૂસી કરવાના આરોપસર ધરપકડ કરાયેલી જ્યોતિને હિસાર પોલીસે હિસાર કોર્ટમાં રજૂ કરી હતી. જ્યોતિ મલ્હોત્રાને સિવિલ જજ સુનીલ કુમારની કોર્ટમાં રજૂ કરવામાં આવી હતી.. જ્યાંથી તેને 14 દિવસની ન્યાયિક કસ્ટડીમાં મોકલી દેવામાં આવી..મળતી માહિતી મુજબ, જ્યોતિને હિસારની સેન્ટ્રલ જેલ નંબર 2 માં રાખવામાં આવશે. આ એક મહિલા જેલ છે.

સુનાવણી દરમિયાન, કોર્ટની અંદરના દરવાજા બંધ કરી દેવામાં આવ્યા હતા..ભારે પોલીસ બંદોબસ્ત ગોઠવી દેવામાં આવ્યો હતો. જ્યોતિને અગાઉ પાંચ દિવસના રિમાન્ડ પર લેવામાં આવી હતી..બીજી વખત ચાર દિવસના રિમાન્ડ પર લેવામાં આવી હતી. ચાર દિવસના રિમાન્ડ પૂરા થયા બાદ રવિવારે સાંજે જ્યોતિને કોર્ટમાં રજૂ કરવામાં આવી હતી.

એવી અટકળો હતી કે જ્યોતિને સવારે જ કોર્ટમાં રજૂ કરવામાં આવશે.. પરંતુ પોલીસ જ્યોતિને બપોરે લગભગ 3:30 વાગ્યે કોર્ટમાં લાવી. એવી પણ અટકળો લગાવવામાં આવી રહી છે કે જ્યોતિ કોર્ટમાં હાજર થયા પછી હિસારના એસપી શશાંક કુમાર પણ પ્રેસ કોન્ફરન્સ કરી શકે છે. પોલીસને જ્યોતિના મોબાઇલમાંથી કોલ ડિટેલ્સ ડિલીટ કરવાનો રિપોર્ટ મળ્યો છે. જોકે, લેપટોપમાંથી ડેટા ડિલીટ થયાનો કોઈ રિપોર્ટ હજુ સુધી આવ્યો નથી.