PM તરીકે ચૂંટાયા બાદ અલ્બેનીઝનું પહેલું નિવેદન.. કહ્યું- ઓસ્ટ્રેલિયાની મજબૂત લોકશાહી ગર્વ કરવા લાયક છે”

ઓસ્ટ્રેલિયાની સામાન્ય ચૂંટણીમાં એન્થોની અલ્બેનીઝની જંગી જીત થઇ છે..ત્યારબાદ તેમની પહેલી પ્રતિક્રિયા સામે આવી છે. બીજી વખત વડા પ્રધાન તરીકે ચૂંટાયા બાદ, અલ્બેનીઝે કહ્યું કે ઓસ્ટ્રેલિયાની મજબૂત લોકશાહી ગર્વ કરવા યોગ્ય છે. સિડની લેબર પાર્ટીના સભ્ય સેલી સિટો સાથે સ્વયંસેવકોનો આભાર માનવાનો આનંદ થાય છે..PM મોદીએ તેમના મિત્ર એન્થોની અલ્બેનીઝને બીજી વખત મળેલી પ્રચંડ જીત બદલ અભિનંદન પાઠવ્યા હતા..

ઓસ્ટ્રેલિયાના ફરીથી ચૂંટાયેલા વડાપ્રધાન એન્થોની અલ્બેનિઝે રવિવારે સિડનીના એક કાફેમાં લોકો તરફથી તાળીઓ પાડ્યા બાદ કહ્યું કે… દેશના લોકોએ વિભાજન કરતાં એકતાને પસંદ કરી છે. શનિવારે યોજાયેલી ચૂંટણીમાં અલ્બેનીસની લેબર પાર્ટીએ મોટી જીત મેળવી હતી…

કોફીનો આનંદ માણ્યો

“ઓસ્ટ્રેલિયન લોકોએ વિભાજન કરતાં એકતાને પસંદ કરી છે,” અલ્બેનિઝે સિડનીના લેઇચહાર્ટમાં એક વ્યસ્ત કાફેમાં પત્રકારોને જણાવ્યું. તેમણે અને તેમની મંગેતર જોડી હેડને તેમના સાથીદારો અને સમર્થકો સાથે કાફેમાં કોફીનો આનંદ માણ્યો હતો… અલ્બેનીઝે કહ્યું કે, “અમે અમારા બીજા કાર્યકાળમાં સરકારને શિસ્તબદ્ધ અને વ્યવસ્થિત રીતે ચલાવીશું… જેમ અમે અમારા પહેલા કાર્યકાળમાં ચલાવી હતી.” તેમણે કહ્યું કે બાળપણમાં, તેઓ ઘણીવાર તેમની માતા, મેરિયન અલ્બેનીઝ સાથે કાફેની મુલાકાત લેતા હતા.