વડાપ્રધાન મોદી સાઉદી અરેબિયા પહોંચ્યા.. જેદ્દાહમાં રાજકીય સન્માન સાથે ભવ્ય સ્વાગત કરાયુ..

સાઉદી અરેબિયાના ક્રાઉન પ્રિન્સ મોહમ્મદ બિન સલમાનના આમંત્રણ પર વડાપ્રધાન નરેન્દ્ર મોદી 22 એપ્રિલેથી બે દિવસની ઐતિહાસિક મુલાકાત પર જેદ્દાહ પહોંચ્યા છે.જયાં એરપોર્ટ પર તેમનું ભવ્ય સ્વાગત કરવામાં આવ્યું હતુ..આ તેમની સાઉદી અરેબિયાની ત્રીજી મુલાકાત નથી.. પરંતુ ભારત-સાઉદી સંબંધોનું ઐતિહાસિક કેન્દ્ર રહેલા જેદ્દાહ શહેરની મુલાકાત લેવાની તેમની પહેલી વાર પણ છે. આ મુલાકાત દરમિયાન ઓછામાં ઓછા 6 મહત્વપૂર્ણ MoU પર હસ્તાક્ષર થવાની અપેક્ષા છે.

વડાપ્રધાન મોદીનું વિમાન સાઉદી હવાઈ ક્ષેત્રમાં પહોંચતાની સાથે જ તેમને રોયલ સાઉદી વાયુસેનાના F-15 ફાઇટર જેટ્સ દ્વારા ખાસ એસ્કોર્ટ આપવામાં આવ્યું હતુ… આ સ્વાગતને ભારત-સાઉદી સંબંધોમાં વધતી નિકટતાનું પ્રતીક માનવામાં આવી રહ્યું છે. જેદ્દાહમાં તેમનું ભવ્ય રાજકીય સન્માન સાથે સ્વાગત કરવામાં આવ્યું હતુ.

વડાપ્રધાન નરેન્દ્ર મોદી અને ક્રાઉન પ્રિન્સ મોહમ્મદ બિન સલમાન ભારત-સાઉદી વ્યૂહાત્મક ભાગીદારી પરિષદની બીજી બેઠકની સહ-અધ્યક્ષતા કરશે..વિદેશ મંત્રાલયના જણાવ્યા અનુસાર, આ બેઠક દ્વિપક્ષીય સંબંધોમાં એક નવો અધ્યાય ઉમેરવા જઈ રહી છે…વિદેશ જતા પહેલા વડાપ્રધાન નરેન્દ્ર મોદીએ કહ્યું કે, ભારત સાઉદી અરેબિયા સાથેના તેના લાંબા ગાળાના અને ઐતિહાસિક સંબંધોને ખૂબ મહત્વ આપે છે. સંરક્ષણ, વેપાર, ઊર્જા અને લોકો-થી-લોકોના સંબંધો જેવા ક્ષેત્રોમાં ભાગીદારીને નવી ગતિ મળી છે.

સૂત્રોના જણાવ્યા અનુસાર, વડાપ્રધાન મોદીની મુલાકાત દરમિયાન હજ યાત્રાળુઓ માટેના ક્વોટા અને અન્ય વ્યવસ્થાઓ પર પણ ચર્ચા કરવામાં આવશે. ભારતીય રાજદૂતે જણાવ્યું કે હજ એક ખૂબ જ મહત્વપૂર્ણ ધાર્મિક યાત્રા છે. ભારત સરકાર તેને ખાસ પ્રાથમિકતા આપે છે. આ અંગે સાઉદી સરકાર અને ભારત વચ્ચે ખૂબ જ સારો સમન્વય રહ્યો છે. આ બેઠક હજ માટે આધુનિક વ્યવસ્થા, ડિજિટલ સુવિધાઓ અને ક્વોટા વિસ્તરણ જેવા મહત્વપૂર્ણ મુદ્દાઓ પર પણ ખૂબ જ નિર્ણાયક સાબિત થઈ શકે છે.

તાજેતરના વર્ષોમાં ભારત અને સાઉદી અરેબિયા વચ્ચે ઘણા મુદ્દાઓ પર ચર્ચા થઈ છે. આમાં ઊર્જા સુરક્ષા, સંરક્ષણ સહયોગ, ખાડીમાં દરિયાઈ સુરક્ષા, રોકાણ અને માળખાગત પ્રોજેક્ટ્સનો સમાવેશ થાય છે. વડાપ્રધાન મોદીની આ મુલાકાત દરમિયાન ટેકનોલોજી, નવીનતા, ગ્રીન એનર્જી અને સ્ટાર્ટઅપ્સના ક્ષેત્રમાં ભાગીદારી પર પણ કરારો થવાની સંભાવના છે.