BCCI કરાર 2025: ઈશાન અને શ્રેયસ પાછા ફર્યા, પંતને ફાયદો; રોહિત-વિરાટ ગ્રેડ A+ માં યથાવત

BCCI એ વર્ષ 2024-2025 માટે ખેલાડીઓના વાર્ષિક કરારની યાદી જાહેર કરી છે. આ યાદીમાં કુલ 34 ખેલાડીઓ છે. ચાર ખેલાડીઓને A+ ગ્રેડમાં સ્થાન આપવામાં આવ્યું છે. છ ખેલાડીઓને A ગ્રેડમાં સ્થાન આપવામાં આવ્યું છે. પાંચ ખેલાડીઓ બી ગ્રેડમાં અને ૧૯ ખેલાડીઓ સી ગ્રેડમાં છે. નીતિશ રેડ્ડી, હર્ષિત રાણા, અભિષેક શર્મા અને વરુણ ચક્રવર્તીને પહેલી વાર BCCIના સેન્ટ્રલ કોન્ટ્રાક્ટમાં સ્થાન મળ્યું છે. આ બધાને ગ્રેડ-સીમાં મૂકવામાં આવ્યા છે…વિકેટકીપર બેટ્સમેન ઋષભ પંતને ફાયદો થયો છે. તેને ગ્રેડ-બી થી ગ્રેડ-એમાં બઢતી આપવામાં આવી છે.આ સેન્ટ્રલ કોન્ટ્રાક્ટના સૌથી મોટા સમાચાર આ યાદીમાં ઇશાન કિશન અને શ્રેયસ ઐયરનું પુનરાગમન છે. રોહિત શર્મા, વિરાટ કોહલી, જસપ્રીત બુમરાહ અને રવિન્દ્ર જાડેજાને BCCIના સેન્ટ્રલ કોન્ટ્રાક્ટની A+ કેટેગરીમાં જાળવી રાખવામાં આવ્યા છે.

બીસીસીઆઈ સાથેના મતભેદ બાદ ઈશાન અને શ્રેયસને 2023-24 માટે કેન્દ્રીય કરારની યાદીમાંથી બહાર કરવા પડ્યા. બીસીસીઆઈના નિર્દેશો છતાં ઈશાન અને શ્રેયસે સ્થાનિક ટુર્નામેન્ટમાં ભાગ લીધો ન હતો. જોકે, હવે બંને પાછા ફર્યા છે. ઈશાનને ગ્રેડ-સીમાં અને શ્રેયસને ગ્રેડ-બીમાં મૂકવામાં આવ્યો છે. રોહિત, વિરાટ અને જાડેજા ટી-20 આંતરરાષ્ટ્રીય મેચોમાંથી નિવૃત્તિ લઈ ચૂક્યા છે..પરંતુ ગ્રેડ-A+ માં જાળવી રાખવામાં આવ્યા છે. આ ત્રણેય આગામી થોડા સમય માટે BCCI ની યોજનાઓમાં રહેશે. આ કરાર 1 ઓક્ટોબર 2024 થી 30 સપ્ટેમ્બર 2025 સુધીનો છે. આંતરરાષ્ટ્રીય ક્રિકેટમાંથી નિવૃત્તિ લીધા બાદ અશ્વિનને આ યાદીમાંથી બહાર કરી દેવામાં આવ્યો છે.

બીસીસીઆઈ એ+ ગ્રેડમાં સમાવિષ્ટ ખેલાડીઓને વાર્ષિક રૂ. 7 કરોડ, એ ગ્રેડમાં સમાવિષ્ટ ખેલાડીઓને 5 કરોડ રૂપિયા, બી ગ્રેડમાં સમાવિષ્ટ ખેલાડીઓને 3 કરોડ રૂપિયા અને સી ગ્રેડમાં સમાવિષ્ટ ખેલાડીઓને 1 કરોડ રૂપિયા આપે છે. બીસીસીઆઈના સેન્ટ્રલ કોન્ટ્રાક્ટ લિસ્ટમાં ફક્ત તે ખેલાડીઓનો સમાવેશ થાય છે જેમણે એક વર્ષમાં ઓછામાં ઓછી 3 ટેસ્ટ, 8 વનડે અથવા 10 ટી-20 મેચ રમી હોય. વરુણ ચક્રવર્તીએ 18 આંતરરાષ્ટ્રીય મેચ (4 વનડે અને 12 ટી-20) રમી છે..ગ્રેડ સી માટે ક્વોલિફાય થયા છે. જે ખેલાડીએ આટલી બધી મેચ રમી છે તે આપમેળે ગ્રેડ-સીમાં સામેલ થવા માટે પાત્ર બનશે.