ટેરિફ ઇફેક્ટઃ અમેરિકા બાદ ભારતીય માર્કેટમાં પણ ગભરાહટ, સેન્સેક્સ 800 ઘટ્યો

અમેરિકી શેરબજારમાં હાહાકાર બાદ ગુરુવારે રાત્રે અમેરિકન બજારમાં નાસ્ડેક લગભગ 6 ટકા ઘટ્યો હતો.. જ્યારે ડાઉ જોન્સ ઇન્ડેક્સમાં 1,600 પોઈન્ટ અથવા લગભગ 4 ટકાનો ઘટાડો જોવા મળ્યો…S&P 500 પણ લગભગ 5 ટકા ઘટ્યો હતો… જેની અસર શુક્રવારે ભારતીય શેરબજારમાં પણ જોવા મળી..ભારતીય શેરબજારમાં ઘટાડો ધીરે-ધીરે કાબુમાં આવી રહ્યો છે.

સેન્સેક્સમાં 800થી વધુ પોઈન્ટનો ઘટાડો થયો.. જ્યારે નિફ્ટીમાં પણ 300 પોઈન્ટથી વધુનો ઘટાડો જોવા મળ્યો…નિફ્ટી 23,000ની નીચે ટ્રેડ કરી રહ્યો છે. જ્યારે સેન્સેક્સ 75,500 ની નીચે દેખાઈ રહ્યો છે. જો કે નિફ્ટી બેન્કમાં 90 પોઈન્ટનો ઘટાડો જોવા મળી રહ્યો છે. BSEના ટોચના 30 શેરોમાંથી 26 શેર ભારે ઘટાડા સાથે ટ્રેડ થઈ રહ્યા છે.. જ્યારે HDFC બેંક, ભારતી એરટેલ સહિત વધુ 2 શેર વધી રહ્યા છે. સૌથી મોટો ઘટાડો ટાટા મોટર્સના શેરમાં 4 ટકા નોંધાયો છે. આ પછી ટાટા સ્ટીલ અને એલએન્ડટીના શેરમાં પણ લગભગ 2.5 ટકાનો ઘટાડો થયો છે.

આ શેરો વેરવિખેર થઈ ગયા

એન્જલ વનનો શેર 4 ટકાના નુકસાન સાથે ટ્રેડ થઈ રહ્યો છે. ટ્રમ્પ ટેરિફને કારણે ટાટા મોટર્સના શેરમાં 4 ટકાનો ઘટાડો થયો. હિન્દુસ્તાન કોપર્સના શેરમાં 3 ટકા અને મઝાગોન ડોકના શેરમાં 6 ટકાનો ઘટાડો જોવા મળી રહ્યો છે. આ સિવાય વેદાંતના શેરમાં 5.28 ટકાનો ઘટાડો થયો છે.

રિલાયન્સને 3 ટકાથી વધુ નુકસાન થયું છે

વૈશ્વિક તણાવને કારણે રિલાયન્સ ઇન્ડસ્ટ્રીઝ શેરના શેરમાં મોટો ઘટાડો જોવા મળી રહ્યો છે. રિલાયન્સનો શેર 3.25% ના ઘટાડા સાથે રૂ. 1,205 પર ટ્રેડ થઈ રહ્યો છે. બીજી તરફ એચડીએફસી બેંકે બજારને અંકુશમાં લેવાનો પ્રયાસ કર્યો છે. જે 2.35 ટકાના વધારા સાથે રૂ. 1,837 પ્રતિ શેર પર ટ્રેડ થઈ રહ્યો છે. જેના કારણે નિફ્ટી બેન્ક હવે ગ્રીન ઝોનમાં આવી ગઈ છે.

NSEના 2,518 શેરોમાંથી 531 શેર વધી રહ્યા છે.. જ્યારે 1,934 શેરો ઘટાડા સાથે ટ્રેડ થઈ રહ્યા છે. આ સિવાય 53 શેર યથાવત દેખાય છે. 18 શેર લોઅર સર્કિટ પર છે..124 શેર અપર સર્કિટ પર છે… 20 શેર 52 સપ્તાહની નીચી સપાટીએ અને 22 શેર 52 સપ્તાહની ઊંચી સપાટીએ પહોંચ્યા છે.