કામદા એકાદશી ક્યારે છે? તારીખ, સમય, પૂજા પદ્ધતિ જાણો

ચૈત્ર માસના શુક્લ પક્ષની એકાદશીના દિવસે મનાવવામાં આવતી કામદા એકાદશી… આ વર્ષે 2025માં 8 એપ્રિલ મંગળવારના રોજ કામદા એકાદશી ઉજવવામાં આવશે…કામદા એકાદશીના દિવસે ભગવાન વિષ્ણુના મંદિરમાં જઈને ભગવાન વિષ્ણુના મંત્રોનો જાપ કરો. આ ભગવાન વિષ્ણુને સમર્પિત એક મહત્વપૂર્ણ વ્રત છે.. જે તમામ મનોકામનાઓ પૂર્ણ કરવામાં અને વ્યક્તિને પાપોથી મુક્ત કરવામાં મદદરૂપ માનવામાં આવે છે. એવું કહેવામાં આવ્યું છે કે ‘કામદા એકાદશી’ બ્રહ્માહત્ય વગેરેના પાપો અને દુષ્ટ આત્માઓ વગેરેનો નાશ કરે છે. તેને વાંચવા અને સાંભળવાથી વાજપેયી યજ્ઞનું ફળ મળે છે.

પારણા/ઉપવાસનો સમય – 09 એપ્રિલના રોજ સવારે 06.02 થી 08.34 સુધી.

પારણ તિથિ પર દ્વાદશીનો બંધ સમય – રાત્રે 10.55 કલાકે.

કામદા એકાદશી પૂજાવિધિ

ચૈત્ર શુક્લ એકાદશીના દિવસે સવારે વહેલા ઉઠો, સ્નાન કરો અને સ્વચ્છ વસ્ત્રો પહેરો.

ભગવાન વિષ્ણુની પ્રતિમા અથવા ચિત્ર સ્થાપિત કરો.

ભગવાન વિષ્ણુને ફૂલ, ફળ, ધૂપ, દીવો અને નૈવેદ્ય અર્પણ કરો.

ભગવાન વિષ્ણુના મંત્રોનો જાપ કરો.

કામદા એકાદશી વ્રત કથાનો પાઠ કરો અથવા સાંભળો.

પૂજા દરમિયાન વિષ્ણુ ચાલીસાનો પાઠ કરો.

દિવસભર ઉપવાસ રાખો અને સાંજે ભગવાન વિષ્ણુની આરતી કર્યા પછી ફળ ખાઓ.

બીજા દિવસે દ્વાદશી તિથિના દિવસે બ્રાહ્મણોને ભોજન કરાવો અને દાન આપો.

આ પછી જાતે ભોજન કરીને ઉપવાસ તોડો.