ટ્રુડોના શાસનમાં કેનેડા સાથે બગડેલા સંબંધોનું કારણ ભારતે સમજાવ્યું, કહ્યું- અલગતાવાદીઓને છૂટ્ટોદોર હતો

ભારતીય વિદેશ મંત્રાલયે શુક્રવારે કેનેડા સાથેના દ્વિપક્ષીય સંબંધોમાં ઘટાડાને લઈને મોટું નિવેદન આપ્યું છે. એવું કહેવામાં આવ્યું હતું કે ઉત્તર અમેરિકાના દેશમાં કટ્ટરપંથી અને અલગતાવાદી તત્વોને આપવામાં આવેલા છુટ્ટાદોરને કારણે આવું થયું છે. વિદેશ મંત્રાલયના પ્રવક્તા રણધીર જયસ્વાલે કહ્યું કે, ‘ભારત-કેનેડા સંબંધોમાં ઘટાડો ઉગ્રવાદી અને અલગતાવાદી તત્વોને આપવામાં આવેલી છૂટ્ટાદોરને કારણે થયો હતો. આશા છે કે, અમે પરસ્પર વિશ્વાસ અને સંવેદનશીલતાના આધારે સંબંધોને ફરીથી મજબૂત કરી શકીશું.’ વિદેશ મંત્રાલયના પ્રવક્તાનું આ નિવેદન ઓટાવામાં નેતૃત્વ પરિવર્તન બાદ આવ્યું છે.. જ્યાં જસ્ટિન ટ્રુડોની જગ્યાએ માર્ક કાર્ને કેનેડાના PM બન્યા છે.

PM તરીકે શપથ લેતા પહેલા માર્ક કાર્નેએ કહ્યું કે,, તેઓ ભારત સાથે તેમના દેશના સંબંધો ફરી હળવા કરશે. તેમણે કહ્યું કે, ‘કેનેડા સમાન વિચાર ધરાવતા દેશો સાથે તેના વેપાર સંબંધોમાં વિવિધતા લાવવા માંગે છે. ભારત સાથે ફરી સંબંધો હળવા કરવાની તકો છે.’ ભારત-કેનેડા સંબંધોમાં તણાવ ત્યારે જોવા મળ્યો જ્યારે સપ્ટેમ્બર 2023માં ‘હાઉસ ઓફ કોમન્સ’માં ભૂતપૂર્વ વડાપ્રધાન જસ્ટિન ટ્રુડોએ એક મોટું નિવેદન આપ્યું હતું. તેમણે કહ્યું કે ભારતીય એજન્ટો અને બ્રિટિશ કોલંબિયાના સરેમાં ખાલિસ્તાન તરફી અલગતાવાદી નેતા હરદીપ સિંહ નિજ્જરની હત્યા વચ્ચે સંભવિત જોડાણના વિશ્વસનીય આરોપો છે. જો કે ભારતે આ આરોપોને સતત નકારી કાઢ્યા હતા.

ભારતીય વિદેશ મંત્રાલયે કહ્યું કે કેનેડાએ ભારત અને ભારતીય રાજદ્વારીઓ પર લાગેલા ગંભીર આરોપોને સમર્થન આપતા કોઈ પુરાવા આપ્યા નથી. વિવાદ બાદ બંને દેશોએ એકબીજા વિરુદ્ધ પગલા લીધા અને પોતાના રાજદ્વારીઓને પાછા બોલાવ્યા. કેનેડાના વડાપ્રધાન તરીકે માર્ક કાર્નીના આગમનથી ભારત સાથેના સંબંધોમાં સુધારાની આશા જાગી છે. તેમણે નવી કેબિનેટમાં ઈન્ડો-કેનેડિયન અનિતા આનંદ અને દિલ્હીમાં જન્મેલા કમલ ખેડાનો સમાવેશ કર્યો છે. આનંદને ઈનોવેશન, સાયન્સ અને ઈન્ડસ્ટ્રી મંત્રી બનાવવામાં આવ્યા છે… જ્યારે 36 વર્ષીય ખેરા સ્વાસ્થ્ય મંત્રી છે. દિલ્હીમાં જન્મેલી ખેડાનો પરિવાર જ્યારે તે શાળામાં હતો ત્યારે કેનેડા ગયો હતો..ત્યારબાદ તેણે ટોરોન્ટોની યોર્ક યુનિવર્સિટીમાંથી બેચલર ઓફ સાયન્સની ડિગ્રી મેળવી હતી.. જેનો કેનેડાના વડાપ્રધાનની વેબસાઈટમાં ઉલ્લેખ કરવામાં આવ્યો છે કે ખેડા પ્રથમ વખત 2015માં બ્રામ્પટન વેસ્ટમાંથી સંસદ સભ્ય તરીકે ચૂંટાયા હતા.