ઇન્ડોનેશિયામાં ડ્રગ્સની દાણચોરીના આરોપમાં ત્રણ ભારતીય નાગરિકોને મૃત્યુદંડની સજા થવાની શક્યતા

ઈન્ડોનેશિયામાં ત્રણ ભારતીયોને મોતની સજા થઈ શકે છે. ત્રણેય પર જુલાઈ 2024માં ઈન્ડોનેશિયામાં ડ્રગ્સની દાણચોરીનો આરોપ છે. હાલમાં આ કેસમાં સુનાવણી ચાલી રહી છે..ઈન્ડોનેશિયાના કાયદા અનુસાર ત્રણેયને મૃત્યુદંડની સજા થઈ શકે છે. આરોપ છે કે, આ ત્રણ ભારતીયો સિંગાપુરના ધ્વજવાળા જહાજ દ્વારા ડ્રગ્સ ઈન્ડોનેશિયા લઈ ગયા હતા.

તમિલનાડુના રહેવાસી છે આરોપીઓ

ત્રણેયની ઓળખ રાજુ મુથુકુમારન (38 વર્ષ), સેલવાદુરાઈ ધિનાકરણ (34 વર્ષ) અને ગોવિંદાસામી વિમલકાંધન (45 વર્ષ) તરીકે કરવામાં આવી છે. ત્રણેય આરોપીઓ તમિલનાડુના રહેવાસી છે. ત્રણેય સિંગાપોરના શિપિંગ ઉદ્યોગ માટે કામ કરતા હતા. ત્રણેય પર 106 કિલો ક્રિસ્ટલ મેથ ડ્રગ ગેરકાયદેસર રીતે ઈન્ડોનેશિયા લઈ જવાનો આરોપ છે. ઇન્ડોનેશિયાના સુરક્ષા દળોએ કરીકુમ જિલ્લાના પોંગકર વિસ્તારમાં જહાજને અટકાવ્યું હતું. જ્યાંથી પ્લેન પકડાયું હતું ત્યાંથી સિંગાપોર માત્ર એક કલાક દૂર છે. હવે આ કેસમાં વહાણના કેપ્ટને જુબાની આપવાની છે.. પરંતુ વહાણનો કેપ્ટન કોર્ટમાં હાજર થયો ન હતો. તે ઝૂમ કોલ દ્વારા સુનાવણીમાં જોડાયો અને તેના કારણે તેની જુબાની થઈ શકી નહીં. આ કેસમાં જહાજના કેપ્ટનની જુબાની ખૂબ જ મહત્વપૂર્ણ છે. તેના દ્વારા જ ત્રણેય ભારતીયોની નિર્દોષતા સાબિત થઈ શકે છે.

15 એપ્રિલે થઈ શકે છે સજાની જાહેરાત

ઈન્ડોનેશિયાના વકીલોએ ત્રણ ભારતીયો માટે મૃત્યુદંડની માંગ કરી છે. ત્રણેય ભારતીયોનું પ્રતિનિધિત્વ માત્ર એક ભારતીય વકીલ કરી રહ્યા છે. બચાવ પક્ષનું કહેવું છે કે,, કેપ્ટનની મંજૂરી વિના જહાજમાં આટલી મોટી માત્રામાં ડ્રગ્સ રાખવું શક્ય નથી. ઉપરાંત, વહાણમાંથી મળેલી તમામ વસ્તુઓ માટે કેપ્ટન જવાબદાર છે. આ કેસમાં સજાની જાહેરાત 15 એપ્રિલે થઈ શકે છે.